عشق کا نغمہ ،عشق کی دُھن| شمیم کرہانی |

عشق کا نغمہ ،عشق کی دُھن| شمیم کرہانی |
عشق کا نغمہ ،عشق کی دُھن| شمیم کرہانی |

  

عشق کا نغمہ ،عشق کی دُھن

اور کوئی آواز نہ سن

شاہیں کی سی کر پرواز

مکڑی کا سا جال نہ بن

اپنا ہی احوال نہ کہہ

اور وں کا دُکھ دردبھی سن

گل کیا کیا شاداب ہوئے

پی پی کر خونِ گلبن

اپنوں کی تنقید کو دیکھ

غیروں کی تعریف نہ سن

ساری گرہیں کھل تو گئیں

لیکن ٹوٹ گئے ناخن

راہِ وفائے گل ہے شمیم

آنکھوں سے کانٹوں کو چن

شاعر: شمیم کرہانی

(مجموعۂ کلام: عکسِ گل؛سالِ اشاعت،1964 )

Eshq   Ka   Nagma  ,   Esh   Ki   Dhun

Aor   Koi   Awaaz   Na   Sun

Shaheen    Ki   Si   Kar   Parwaaz

Makrri   Ka    Sa   Jaal   Na   Bun

Apna   Hi   Ahwaal   Na    Keh

Aoron   K   Dukh   Dard   Bhi   Sun

Gul    Kaya   Kaya   Shadaab    Huay

Pi   Pi   Kar    Khoon-e-Gulbun

Apnon   Ki   Tanqeed    Ko   Dekh

Ghairon    Ki    Tareef    Na   Sun

Saari   Girhen    Khull   To   Gaen

Lekin   Toot   Gaey   Naakhun

Raah-e-Wafa-e-Gull    Hay   SHAMIM

Aankhon   Say    Kaanton   Ko  Chun

Poet: Shamim   Karhani

مزید :

شاعری -رومانوی شاعری -غمگین شاعری -