داماں کو تار تار اگر کر سکے تو کر| شورش کاشمیری |
مشورہ
داماں کو تار تار اگر کر سکے تو کر
یہ جبر اختیار اگر کر سکے تو کر
سورج کو آسماں کی بلندی سے کھینچ لا
ذرّوں کو کوہسار اگر کر سکے تو کر
خونِ رگِ چمن سے اُٹھا حشرِ اضطراب
فطرت کو اشک بار اگر کر سکے تو کر
محنت کشوں سے مانگ نوا ہائے رست خیز
شاہوں کو زیبِ دار اگر کر سکے تو کر
حفظِ خودی پہ نظمِ جہاں کا مدار ہے
یہ راز اگر آشکار اگر کر سکے تو کر
بیدار کر ضمیر کو بے باک کر عمل
یہ عہد استوار اگر کر سکے تو کر
شاعر: شورش کاشمیری
(مجموعۂ کلام: گفتنی و ناگفتنی؛سالِ اشاعت،1963 )
Mashwara
Damaan Ko Taar Taar Agar Kar Sakay To Kar
Yeh Jabr Ikhtiyaar Agar Kar Sakay To Kar
Sooraj Ko Aasmaan Ki Bulandi Say Khainch La
Zarron Ko Kohsaar Agar Kar Sakay To Kar
Khoon-e-Rag-e-Chaman Say Utha Hashr-e-Iztaraab
Firtat Ko Ashkbaar Agar Kar Sakay To Kar
Mehnat Kashon Say Maang Nawa Haaey Rastkhaiz
Shaahon Ko Zeb-e-Daar Agar Kar Sakay To Kar
Hifz-e-Khudi Pe Nazm-e-Jahan Ka Madaar Hay
Yeh Raaz Aashkaar Agar Kar Sakay To Kar
Baidaar Kar Zameer Ko Bebaak Kar Amal
Yeh Ehd Ustawaar Agar Kar Sakay To Kar
Poet: Shorish Kashmiri