گھر سے ناراض ہو کر آئی لڑکی کو تھپڑ مارنے والا پولیس اہلکار گرفتارکرلیا گیا
گوجرانوالہ (ویب ڈیسک) گوجرانوالہ پولیس کے اہلکار کی جانب سے لڑکی کو تھپڑ مارنے کی ویڈیو وائرل ہو گئی، فوٹیج وائرل ہونے پر مذکورہ اے ایس آئی کو گرفتار کر کے اس کے خلاف مقدمہ درج کر لیا گیا ہے۔
پولیس کے مطابق لڑکی گھر سے ناراض ہو کر آئی تھی، جس کے واپس گھر جانے سے انکار پر اس کا اپنی بہن سے جھگڑا ہوا۔جھگڑے کی اطلاع پر مذکورہ اے ایس آئی موقع پر پہنچا اور اس نے لڑکی کو تھپڑ مارے۔
گوجرانوالہ میں اے ایس آئی نے اپنی عدالت لگالی،
— M N Qadri (@MNQadri7) October 6, 2020
گوجرانوالہ: چندا قلعہ کے قریب اے ایس آئی علی اکبر کا والدین کے سامنے بچی پرمبینہ تشدد،
گوجرانوالہ: والدین نے بچی کے گھر سے بھاگنے پر 15 پر کال کی تھی، پولیس
گوجرانوالہ: 15 کال پربطور تفتیش اے ایس آئی علی اکبر موقع پر پہنچے، پولیس pic.twitter.com/nVOcIiQVMO
پولیس کا کہنا ہے کہ یہ واقعہ چند روز قبل گوجرانوالہ کے علاقے چندا قلعہ کے قریب پیش آیا تھا، لڑکی کو تھپڑ مارنے والے اے ایس آئی کو گرفتار کر کے اس کے خلاف مقدمہ درج کر لیا گیا ہے۔
وزیراعلیٰ پنجاب عثمان بزدار نے گوجرانوالہ میں خاتون پرتھانیدار کے تشدد کے واقعہ پر آرپی او گوجرانوالہ سے فوری رپورٹ طلب کرلی۔
— Government of Punjab (@GOPunjabPK) October 6, 2020
"تشدد کرنے والے تھانیدار کے خلاف سخت قانونی اور محکمانہ کارروائی کی جائے" - وزیراعلیٰ پنجاب
تھانیدار کو گرفتار کر کے FIR درج کر لی گئی pic.twitter.com/n73iMnAvbI
دوسری جانب وزیرِ اعلیٰ پنجاب سردار عثمان بزدار کی جانب سے گوجرانوالہ میں خاتون پر تھانیدار کے تشدد کے واقعے پر آر پی او گوجرانوالہ سے فوری رپورٹ طلب کر لی گئی ہے۔وزیرِ اعلیٰ پنجاب سردار عثمان بزدار نے آر پی او گوجرانوالہ کو ہدایت کی ہے کہ تشدد کرنے والے تھانیدار کے خلاف سخت قانونی اور محکمانہ کارروائی کی جائے۔
