کارٹنگ چیمپین شپ کے فائنل میں حریف ڈرائیور کا راستہ روکنے کیلئے بمپر پھینکنے والے کھلاڑی کو ایسی سزا دیدی گئی کہ آئندہ کوئی بھی ایسی حرکت کی جرات نہ کرے
اسلام آباد (ڈیلی پاکستان آن لائن) کارٹنگ ورلڈ چیمپئن شپ کے فائنل میں حریف ڈرائیور کا راستہ روکنے کیلئے ٹریک پر بمپر پھینکنے والے اطالوی ڈرائیور کوربیری پر تاحیات پابندی لگا دی گئی ہے۔
تفصیلات کے مطابق کارٹنگ ورلڈ چیمپئن شپ کے فائنل میچ میں چیز لیپس کی ریس کے نویں چکر پر خوفناک منظر سامنے آیا جب اطالوی ڈرائیور کوری بیری ہاتھ میں گاڑی کا بمپر پکڑے سڑک کنارے کھڑا نظر آئے اور پھر 23 سالہ حریف ٹونی کارٹ کی گاڑی کو نشانہ بنا کر بمپر پھینک دیا تاہم خوش قسمتی سے نشانہ خطا ہو جانے سے وہ بچ گئے۔
Outrageous scenes in the FIA Karting World Championship final at the Lonato circuit as Luca Corberi - whose family operate the venue - threw his bumper at a rival and ignored marshals as he stormed off across the track after an incident. pic.twitter.com/PgCPs9JLlH
— RaceFans (@racefansdotnet) October 4, 2020
چیمپین شپ انتظامیہ نے اطالوی ڈرائیور کے خلاف تحقیقات شروع کیں اور جرم ثابت ہونے پر انتظامیہ نے فیصلہ سناتے ہوئے ان پر تاحیات پابندی عائد کر دی ہے جبکہ فارمولا ون کے چیمپین ڈرائیور جیسن بٹن نے کور بیری پر ہر طرح کے مقابلے میں حصہ لینے سے منع کرنے کا مطالبہ بھی کیا ہے۔
