امریکی نائب وزیر خارجہ کی پاکستان آمد کے موقع پر حکومت نے انہیں ایسی سہولت دینے کا اعلان کر دیا جو شائد پہلے کسی کو نہ دی گئی

امریکی نائب وزیر خارجہ کی پاکستان آمد کے موقع پر حکومت نے انہیں ایسی سہولت ...
امریکی نائب وزیر خارجہ کی پاکستان آمد کے موقع پر حکومت نے انہیں ایسی سہولت دینے کا اعلان کر دیا جو شائد پہلے کسی کو نہ دی گئی
سورس: Twitter/@wendyrsherman

  

اسلام آباد (ویب ڈیسک) حکومت پاکستان نے امریکی نائب وزیرخارجہ کی پاکستان آمد کے موقع پر انہیں ہرقسم کی تلاشی سے مبرا کردیا۔

نجی ٹی وی ایکسپریس نیوز کے مطابق امریکی نائب وزیر خارجہ وینڈی شرمین  پاکستان آرہی ہیں، وہ  7 رکنی وفد کے ہمراہ  7 سے 8 اکتوبر کو دو روزہ دورہ پر پاکستان پہنچیں گی، امریکی وفد کے استقبال کے لئےوزرات خارجہ نے ایوی ایشن ڈویژن اور نیو اسلام آباد ائیر پورٹ حکام کوانتظامات کے لیے مراسلہ ارسال کردیا ہے۔

مراسلے میں کہا گیا ہے کہ امریکی وفد کی اسلام آباد آمد کے موقع پر جسمانی تلاشی، اسکینگ سے استثنیٰ ہوگا، امریکی نائب وزیر خارجہ کے وفد کی تصاویر بھی نہ بنائی جائیں، ان کی آمد اور روانگی کے موقع پر وی آئی پی اسٹیٹ لاؤنج مختص کیا جائے، امریکی وفد کی آمد پر پی سی آر ٹیسٹ سے استثنیٰ دیا جائے، ان کے استقبال کے لئے وزرات خارجہ اور امریکی سفارتخانے کے 5، 5 افراد کو انٹری پاس جاری کیے جائیں، اور انہیں گاڑیوں سمیت اسٹیٹ لاونج کی پارکنگ تک رسائی دی جائے۔

مزید :

بین الاقوامی -