پنجاب بھر کے بلدیاتی اداروں کی بحالی بارے بڑی خبر آ گئی
لاہور( ڈیلی پاکستان آن لائن)پنجاب بھر کے بلدیاتی اداروں کی بحالی کا فیصلہ ہو گیا،کابینہ کی سب کمیٹی نے بلدیاتی اداروں کی بحالی کی منظوری دیدی۔
نجی ٹی وی کے مطابق محکمہ بلدیات نے بلدیاتی اداروں کی بحالی کی سمری کابینہ کو ارسال کر دی ہے ،کابینہ کی منظوری کے بعد بلدیاتی اداروں کی بحالی کا نوٹیفکیشن جاری کر دیاجائے گا۔تمام بلدیاتی ادارے رواں ماہ ہی اپنے دفاتر میں معمول کا کام شروع کر دیں گے،بلدیاتی اداروں کے سربراہاں پہلے ہی بحال کئےجاچکےہیں،اب کونسلر اوردیگر عہدیدار وں کی بحالی اور انتظامی ومالی اختیارات دیئے جائیں گے ۔پنجاب میں اس وقت 30 ارب روپے کے ترقیاتی منصوبوں پر کام جاری ہے، بلدیاتی اداروں کے سربراہ اپنے علاقہ میں جاری ترقیاتی کام روکنے کے مجاز نہیں ہو ںگے۔ ذرائع کے مطابق بلدیاتی اداروں کے سربراہ کسی ترقیاتی کام کے بل کی ادائیگی میں کوئی خلل نہیں ڈالیں گے۔
