ممنوعہ فنڈنگ،ایف آئی اے نے پی ٹی آئی کیخلاف کر اچی میں مقدمہ درج کرلیا

  ممنوعہ فنڈنگ،ایف آئی اے نے پی ٹی آئی کیخلاف کر اچی میں مقدمہ درج کرلیا

  

 کراچی (مانیٹرنگ ڈیسک)پاکستان تحریک انصاف  (پی ٹی آئی) کو بیرون ملک سے غیر قانونی طور پر کراچی کے بینک اکاؤنٹ کے ذریعے رقوم منتقل کیے جانے کے شواہد ملنے پر وفاقی تحقیقاتی ایجنسی (ایف آئی اے) اسٹیٹ بینک سرکل کراچی میں مقدمہ درج کرلیا گیا۔ ایف آئی اے حکام کے مطابق اسٹیٹ بینک سرکل کراچی میں 5 اکتوبر کو ایف آئی آر نمبر 14/2022 درج کی گئی ہے۔ مقدمے میں سید عارف مسعود نقوی،  پی ٹی آئی عہدیدار طارق شفیع  اور محمد رفیع لاکھانی نامزد ملزم ہیں جب کہ رقوم کی غیر قانونی منتقلی میں شامل ملکی اور غیر ملکی کمپنیوں کو بھی ایف آئی آر میں شامل کیا گیا ہے۔  انسپکٹر محمد سرور اصغر کی مدعیت میں مقدمہ انکوائری میں شواہد ملنے پر درج کیا گیا ہے، مقدمیکے مطابق 2 مارچ 2020 کو درج کی گئی انکوائری نمبر 36/2022 کی تحقیقات کے دوران 9 بلین روپے کی رقم امن فاؤنڈیشن کے اکاؤنٹ میں فارن ٹیلی گرافک ٹرانسفر کے ذریعے منتقل کرنے کے شواہد ملے۔ تحقیقات کے دوران ابراج گروپ کے عارف مسعود نقوی کے قریبی ساتھی اور پی ٹی آئی کے مرکزی مالیاتی بورڈ کے رکن طارق شفیع  سامنے آئے۔ انکوائری کے دوران ثابت ہوا کہ والٹن کرکٹ لمیٹڈ کے اکاؤنٹ سے 5 لاکھ 57 ہزار امریکی ڈالر طارق شفیع کے کراچی میں غیر ملکی بینک کی برانچ کے اکاؤنٹ میں منتقل ہوئے، یہ رقم 7 مئی 2013 کو کراچی کے بینک اکاؤنٹ میں موصول اور 8 مئی کو اسی اکاؤنٹ سے پاکستان تحریک انصاف کے اسلام آباد کے نجی بینک اکاؤنٹ  میں ٹرانسفر کی گئی۔ مقدمیکے مطابق طارق شفیع کے اسی اکاؤنٹ میں برٹش ورجن ا?ئی لینڈ میں رجسٹرڈ کمپنیوں سے ایک اعشاریہ 84 ملین ڈالر موصول ہوئے، تمام ٹرانزیکشن مختلف کمپنیوں اور  افراد کی ملی بھگت سے1947 ایکٹ کی خلاف ورزی سیکی گئیں، ملزمان پر فنڈز کی اصل نوعیت، مقام، نقل و حرکت اور ملکیت چھپانے کا بھی الزام ہے۔

 مقدمہ درج

مزید :

صفحہ اول -