وفاقی وزیر عبدالعلیم خان کا بھی مسلم لیگ (ن) اور پیپلز پارٹی کے رہنماؤں کی بیان بازی پر رد عمل آ گیا
اسلام آباد ( ڈیلی پاکستان آن لائن )صدر استحکام پاکستان پارٹی (آئی پی پی)اور وفاقی وزیر عبدالعلیم خان کا بھی مسلم لیگ (ن) اور پیپلز پارٹی کے رہنماؤں کی بیان بازی پر رد عمل آ گیا ۔
اسلام آباد میں میڈیا سے خصوصی گفتگو کرتے ہوئےوفاقی وزیر عبدالعلیم خان نے کہا ہے کہ سیاستدان سیاسی بیانات کے بجائے اپنے صوبوں کی ترقی پر توجہ دیں۔ لوگوں کو سیاسی بیان بازی نہیں بلکہ اپنے بنیادی مسائل کا حل چاہیے۔ بہتر ہو گا کہ جہاں مینڈیٹ ملا ہے وہاں کام کیا جائے۔ امید ہے کہ بیان بازی کا سلسلہ اب بند ہوگا، مسلم لیگ (ن )اور پیپلز پارٹی کو شہریوں کی فلاح و بہبود پر توجہ دینا ہو گی۔
’’جنگ ‘‘ کے مطابق عبدالعلیم خان نے کہا ہےکہ امید ہے پیپلزپارٹی کی وفاقی حکومت کی سپورٹ جاری رہے گی۔ ملک و قوم کا استحکام اور نظام کا تسلسل اصل ترجیح ہے۔ قومی مسائل کے حل کے لیے باہمی افہام و تفہیم سے چلنا ہو گا۔ الزام تراشی کرنا جمہوریت یا عوام کی کوئی خدمت نہیں، سیاسی پختگی اور حالات کا تقاضا ہے کہ ذمہ دارانہ رویہ اپنائیں، پنجاب اور سندھ دونوں صوبوں میں استحکام کے خواہاں ہیں۔
 اور پیپلز پارٹی کے رہنماؤں کی بیان بازی پر رد عمل آ گیا ){kind=link}