این ایس جی کی رکنیت کیلئے بیلا روس اور قازقستان نے حمایت کا یقین دلا دیا

این ایس جی کی رکنیت کیلئے بیلا روس اور قازقستان نے حمایت کا یقین دلا دیا
این ایس جی کی رکنیت کیلئے بیلا روس اور قازقستان نے حمایت کا یقین دلا دیا

  

اسلام آباد(این این آئی) وزیر اعظم کے معاون خصوصی برائے خارجہ امور طارق فاطمی کا کہنا ہے کہ بیلاروس اورکازکستان نے نیوکلیئر سپلائرز گروپ (این ایس جی) کی رکنیت کے لیے پاکستان کو اپنی حمایت کا یقین دلایا ہےجبکہ پاکستان نے بیلجیئم پر زور دیا ہے کہ این ایس جی کی رکنیت کیلئے درخواستوں پر غور کے دوران بلا امتیاز غور کیا جائے کیونکہ اس معاملہ سے سے جنوبی ایشیا میں تزویراتی استحکام اور جوہری عدم پھیلاؤ کے عالمی رجیم کے مستقبل پر اثرات مرتب ہوں گے۔

دفتر خارجہ کے مطابق وزیراعظم کے خارجہ امور کے لئے معاون خصوصی سید طارق فاطمی نے وزیراعظم کے خصوصی مندوب کی حیثیت سے گزشتہ روز برسلز کا دورہ کیا جہاں انہوں نے بیلجیئم کی قیادت سے ملاقاتیں کیں جن میں نائب وزیراعظم و وزیرخارجہ ڈیڈیئر رینڈرز اور سیکرٹری جنرل وزارت خارجہ ڈیرک ایچٹن شامل تھے۔ دوطرفہ امور کے علاوہ انہوں نے نیوکلیئر سپلائر گروپ کی رکنیت کے لئے پاکستان کی درخواست کے حوالے سے بھی بات کی اور بیلجیئم کی حمایت طلب کی۔ انہوں نے بیلجیئم کی قیادت کو کشمیر کی صورتحال سے بھی آگاہ کیا۔ خارجہ امور کے بارے میں وزیراعظم کے معاون خصوصی طارق فاطمی نے کہا ہے کہ بیلاروس اور قازخستان نے نیو کلیئر سپلائرز گروپ کی رکنیت کے لئے پاکستان کو اپنی حمایت کا یقین دلایا ہے۔

مزید : اسلام آباد