سینی گال کا پاکستان میں سفارتخانہ کھولنے کا فیصلہ، وزیراعظم کا خیرمقدم، مختلف شعبوں میں تعاون کی پیشکش

سینی گال کا پاکستان میں سفارتخانہ کھولنے کا فیصلہ، وزیراعظم کا خیرمقدم، ...
سینی گال کا پاکستان میں سفارتخانہ کھولنے کا فیصلہ، وزیراعظم کا خیرمقدم، مختلف شعبوں میں تعاون کی پیشکش

  

اسلام آباد (مانیٹرنگ ڈیسک) سینی گال کے صدر نے پاکستان میں سفارت خانہ کھولنے کا فیصلہ کیا ہے۔ وزیراعظم نواز شریف نے فیصلے کا خیرمقدم کرتے ہوئے سینی گال کو مختلف شعبوں میں تعاون کی پیشکش اور ایگری کلچر مشینری سمیت چمڑے کی مصنوعات ایکسپورٹ کرنے کا فیصلہ کیا ہے۔

روزنامہ پاکستان کی اینڈرائڈ موبائل ایپ ڈاؤن لوڈ کرنے کیلئے یہاں کلک کریں

میڈیا رپورٹس کے مطابق سینی گال کے صدر نے وزیراعظم نواز شریف کے ساتھ وفود کی سطح پر ملاقات کی جس دوران مختلف امور پر تبادلہ خیال کیا گیا۔ ذرائع کے مطابق وزیراعظم نواز شریف نے سینی گال کے پاکستان میں سفارتخانہ کھولنے کے فیصلے کا خیرمقدم کیا۔ وزیراعظم نے سینی گال کو ایگری کلچر مشینری سمیت چمڑے کی مصنوعات ایکسپورٹ کرنے کا فیصلہ کرتے ہوئے کہا کہ تجارتی تعاون بڑھانے کیلئے وفاقی وزیر تجارت جلد سینی گال جائیں گے۔

وہ پاکستانی جس نے 10ہزار روپے کودیکھتے ہی دیکھتے لاکھوں کے کاروبارمیں بدل ڈالا، تمام پاکستانیوں کیلئے مثال بن گیا

ذرائع کے مطابق ملاقات میں سینی گال میں پاکستانی بینک کھولنے اور دفاعی شعبوں میں تعاون کے امور پر غور کیا گیا جبکہ پاکستان نے سینی گال کو انٹیلی جنس شیئرنگ، منشیات، انسانی سمگلنگ روکنے، انسداد دہشت گردی کے شعبوں میں تعاون اور سینی گال کے طلبہ کو پاکستان میں تعلیم کیلئے سکالر شپ فراہم کرنے کی پیشکش بھی کی۔ ان کا مزید کہنا تھا کہ پاکستان چینی ا ور سیمنٹ کے کارخانے لگانے میں مدد دے سکتا ہے ۔

مزید : قومی /اہم خبریں