حکومت کا پہلا سال،چینی 20، مٹن، 84برائلر 61، کوکنگ آئل 32.4روپے فی کلو مہنگا ہوا 

  حکومت کا پہلا سال،چینی 20، مٹن، 84برائلر 61، کوکنگ آئل 32.4روپے فی کلو مہنگا ...

اسلام آباد(مانیٹرنگ ڈیسک) وفاقی ادارہ شماریات نے تحریک انصاف کی حکومت کے ایک سال کے دوران مہنگائی کے اعداد و شمار جاری کر دیئے۔ادارہ شماریات کی جانب سے اگست 2018 سے اگست 2019 تک مہنگائی کے اعداد و شمار جاری کیے گئے ہیں۔اعداد و شمار کے مطابق ایک سال میں ایک کلو چینی 20 روپے مہنگی ہوئی جب کہ بکرے کا گوشت 84 روپے فی کلو، گائے کا گوشت 45 روپے فی کلو، زندہ برائلر مرغی 61 روپے فی کلو اوراڑھائی کلو کوکنگ آئل 82 روپے مہنگاہوا۔رپورٹ میں بتایا گیا ہے کہ ایک سال کے دوران 10 کلو گندم 29 روپے اور آٹے کا 10 کلو کا تھیلا 39 روپے مہنگا ہوا۔ اس کے علاوہ باسمتی چاول 6 روپے فی کلو، دال مسور 12، دال مونگ 57 روپے فی کلو، دال ماش 34 روپے فی کلو اور دال چنا 13 روپے فی کلو مہنگی ہوئی۔دستاویز کے مطابق تحریک انصاف کی حکومت کے پہلے سال میں لہسن 133 روپے فی کلو اور تازہ دودھ و دہی 7، 7 روپے فی کلو مہنگے ہوئے۔ادارہ شماریات کے مطابق ایک سال کے دوران پیاز 23 روپے اور آلو 7 روپے فی کلو مہنگے ہوئے جب کہ 200 گرام چائے کی پتی کی قیمت میں 16 روپے اضافہ ہوا۔تحریک انصاف کی حکومت کے ایک سال میں سگریٹ کا پیکٹ 25 روپے مہنگاہوا۔

 مہنگائی رپورٹ

مزید : صفحہ اول


loading...