یوم دفاع و شہداء، شاہد خان آفریدی کہاں پہنچ گئے؟ جان کر آپ کو بھی ان پر فخر ہوگا
کراچی (ویب ڈیسک) قومی کرکٹ ٹیم کے سابق کپتان شاہد آفریدی نے یوم دفاع و شہداءکے موقع پر پاک فضائیہ کی پہلی خاتون فائٹر پائلٹ مریم مختار کے گھر کا دورہ کیا۔انہوں نے کہا کہ ’ مریم کی بہادری کے قصے سن کر بہت اچھا لگا‘۔سماجی رابطے کی ویب سائٹ ٹوئٹر پر انہوں نے اپنے ٹوئٹ میں لکھا کہ ’یوم دفاع تمام پاکستانیوں کے لئے ایک اہم دن ہے۔‘
Defence Day is a special day for all Pakistanis. I marked the day with a visit to PAF Pilot Shaheed Marium Mukhtiar's home. May Allah bless her soul, it was an amazing experience to hear about her bravery and courage, she will always be remembered. Pakistan Zindabad! pic.twitter.com/RsJerPZ72z
— Shahid Afridi (@SAfridiOfficial) September 6, 2019
شاہد آفریدی نے اپنی اہلیہ کے ہمراہ یوم دفاع کو پی اے ایف پائلٹ مریم مختار شہید کے گھر کا دورہ کیا۔مریم مختار کے لئے مغفرت کی دعا کرتے ہوئے انہوں نے کہا کہ مریم مختار کی جرات اور بہادری کا سننا ایک بہترین تجربہ تھا، مریم مختار کو ہمیشہ یاد رکھا جائے گا۔انہوں نے اپنے ٹوئٹ کے آخر میں پاکستان زندہ آباد بھی لکھا۔یاد رہے کہ مریم مختار ایک 22 سالہ پاکستانی پائلٹ تھیں، 24نومبر 2015ءکی صبح مریم اپنے انسٹرکٹر، ثاقب عباسی کے ساتھ معمول کی مشق پر روانہ ہوئیں۔ جب وہ ضلع گجرات کی فضاو¿ں میں پرواز کررہے تھے، تو اچانک انجن میں آگ لگ گئی اور وہ قلابازیاں کھاتا ہوا جا گرا۔واضح رہے کہ ملک بھر میں یوم دفاع، یوم یکجہتی کشمیر کے طور پر منایا جا رہا ہے جس کا مقصد وطن عزیز کے لیے جان کا نذرانہ پیش کرنے والے شہداءکے ساتھ ساتھ مقبوضہ کشمیر میں مظلوم کشمیریوں کے ساتھ پاکستانی عوام کی حمایت کا اعادہ کرنا ہے۔
