6ستمبر سے 11 ستمبر تک چھ چھٹیوں کا نوٹیفکیشن جعلی نکلا، حکومت نے حقیقت بتا دی
اسلام آباد (ڈیلی پاکستان آن لائن) ملک بھر میں 6 ستمبر سے 11 ستمبر کی چھٹیوں سے متعلق سوشل میڈیا پلیٹ فارمز گردش کرتا نوٹیفکیشن جعلی نکلا، حکومت نے اس نوٹیفکیشن کی تردید کرتے ہوئے اصلی پریس ریلیز جاری کر دی۔ نجی ٹی وی دنیا نیوز کے مطابق سوشل میڈیا پلیٹ فارمز پر جعلی نوٹی فکیشن کے ذریعے لوگوں کو باور کرانے کی کوشش کی گئی تھی کہ حکومت پاکستان نے ملک بھر میں 6 ستمبر سے 11 ستمبر تک چھ تعطیلات کا اعلان کیا ہے۔
The attached notification is Fake and no such instructions have been issued by Government of Pakistan. pic.twitter.com/KY5vvWHaP9
— Govt of Pakistan (@pid_gov) September 6, 2019
تفصیلات کے مطابق وفاقی حکومت نے اپنے ایک ٹویٹ کے ذریعے ان خبروں کی سختی سے تردید کی ہے جس میں کہا گیا تھا کہ ملک بھر میں سرکاری، نیم سرکاری، پرائیوٹ اور تمام تعلیمی اداروں میں 6 سے 11 ستمبر تک تعطیلات کا اعلان کر دیا گیا ہے۔یہ دلچسپ صورتحال اس وقت پیدا ہوئی جب سماجی رابطوں کی ویب سائٹ ٹوئٹر پر وفاقی حکومت کا ایک جعلی نوٹی فکیشن جاری کیا گیا جس میں کہا گیا تھا کہ گورنمنٹ آف پاکستان نے یوم دفاع اور محرم الحرام کی مناسبت سے 6 تعطیلات کا اعلان کر دیا ہے۔ اس جعلی نوٹی فکیشن کے سوشل میڈیا پر وائرل ہوتے ہی ملازمین میں خوشی کی لہر دوڑ گئی، تاہم یہ خوشی عارضی ثابت ہوئی ہے کیونکہ حکومت نے اس کی تردید کرتے ہوئے اصلی پریس ریلیز جاری کر دی ہے۔
وفاقی حکومت نے اپنے ٹوئٹر اکاو¿نٹ سے فوری طور پر ایک تردیدی ٹویٹ کی جس میں اصل نوٹی فکیشن کے ذریعے عوام کو واضح کیا گیا کہ اس قسم کی خبروں پر کان نہ دھریں، حکومت کی جانب سے اس قسم کا کوئی اعلان نہیں کیا گیا ہے۔حکومت پاکستان کی جانب سے جاری ہونے والی اصل پریس ریلیز کے مطابق 6 ستمبر بروز جمعہ کو یوم دفاع کیساتھ ساتھ یوم یکجہتی کشمیر منانے کا فیصلہ کیا گیا ہے۔ اس سلسلے میں ملک بھر کے تمام سرکاری اور پرائیوٹ دفاتر دوپہر 3 بجے بند ہو جائیں گے۔
This is the original notification issued by Ministry of Interior, Government of Pakistan. pic.twitter.com/5LU8gbK96e
— Govt of Pakistan (@pid_gov) September 6, 2019