سندھ حکومت نے پیپلز کراچی پروگرام کی منصوبہ بندی کرلی

سندھ حکومت نے پیپلز کراچی پروگرام کی منصوبہ بندی کرلی

  

کراچی (اسٹاف رپورٹر) پاکستان پیپلزپارٹی کی سندھ حکومت کا پیپلز کراچی پروگرام سامنے آگیا، اس پروگرام کے تحت پانی کے پانچ بڑے منصوبے شروع کیے جائیں گے۔تفصیلات کے مطابق اندرون سندھ اور کراچی میں حالیہ طوفانی بارشوں کے بعد سے شہر کی صورتحال قابل دید ہے، شہری پریشانی کا شکار ہے، جس کے پیش نظر سندھ حکومت نے پیپلز کراچی پروگرام کی منصوبہ بندی کرلی ہے۔اس حوالے سے ذرائع کا کہنا ہے کہ سندھ حکومت کے پیپلز کراچی پروگرام میں پانی کے5منصوبے بنائے گئے ہیں، سندھ حکومت پانی کے5بڑے منصوبوں کو3سال میں مکمل کرے گی، پانی کے منصوبوں کی تکمیل کے بعد شہر قائد میں پانی کابحران ختم ہوجائے گا۔ذرائع کے مطابق سندھ حکومت کے پیپلز کراچی پروگرام کے تحت سیوریج کے8منصوبے بھی ہیں، سیوریج کے منصوبوں کی تکمیل سے سیوریج کے مسائل کاخاتمہ ہوگا، پیپلز کراچی پروگرام کے تحت سالڈویسٹ مینجمنٹ کے4بڑے منصوبے ہیں۔ذرائع کا کہنا ہے کہ سندھ حکومت نے برساتی پانی کی نکاسی کے لئے بھی 2بڑے منصوبے تیار کرلئے ہیں، برساتی پانی کی نکاسی کے منصوبوں کو2سال میں مکمل کرے گی، سندھ حکومت نے کراچی کے روڈ انفرااسٹرکچر کی بحالی کے لئے منصوبہ بندی کرلی۔

مزید :

صفحہ اول -