ہے بسکہ ہر اک ان کے اشارے میں نشاں اور
ہے بسکہ ہر اک ان کے اشارے میں نشاں اور
کرتے ہیں محبت تو گزرتا ہے گماں اور
یارب وہ نہ سمجھے ہیں نہ سمجھیں گے مری بات
دے اور دل ان کو جو نہ دے مجھ کو
زباں اور
ابرو سے ہے کیا اس نگہِ ناز کو پیوند
ہے تیر مقرر مگر اس کی ہے کماں اور
تم شہر میں ہو تو ہمیں کیا غم جب اٹھیں گے
لے آئیں گے بازار سے جا کر دل و جاں اور
ہر چند سبک دست ہوئے بت شکنی میں
ہم ہیں تو ابھی راہ میں ہے سنگ گراں اور
ہے خونِ جگر جوش میں دل کھول کے روتا
ہوتے جو کئی دیدۂ خوں نابہ فشاں اور
مرتا ہوں اس آواز پہ ہر چند سر اڑ جائے
جلاد کو لیکن وہ کہے جائیں کہ ہاں اور
لوگوں کو ہے خورشیدِ جہاں تاب کا دھوکا
ہر روز دکھاتا ہوں میں اک داغ نہاں اور
لیتا نہ اگر دل تمہیں دیتا کوئی دم چین
کرتا جو نہ مرتا کوئی دن آہ و فغاں اور
پاتے نہیں جب راہ تو چڑھ جاتے ہیں نالے
رکتی ہے مری طبع تو ہوتی ہے رواں اور
ہیں اور بھی دنیا میں سخن ور بہت اچھے
کہتے ہیں کہ غالبؔ کا ہے انداز بیاں اور
شاعر: مرزا غالب
Hay Bass Keh har Ik Un K Ishaaray Men Nishaan Aor
Kartay Hen MUhabbat To Guzarta Hay Gumaan Aor
Ya RAB, Wo Na Samjhay Hen , Na Samjhen Gay Miri Baat
Day Aor Dil Un Ko Jo Na Day Mujh Ko Zubaan Aor
Abru Say Hay Kia, Uss Nigh e Naaz Ko Paiwand
Hay Teer e Muqarrar , Magar Un Ki Hay Kamaan Aor
Tum Shehr Men Ho To Hamen Kia Gham, Jab Uthen Gay
Lay aaey Gay Bazaar Say Ja KAr Dil o Jaan Aor
har Chand Subak Dast Huay ButShikani Men
ham Hen To Abhi Raah Men Hay Sang e Giraan Aor
Hay Khoon e Jigar Josh Men Dil Khol K Rota
Hotay Jo Kao Khoon Naaba Fashaan Aor
Marta Hun Uss Awaaz Pe Harchand Sar Urr Jaaey
Jallaad Ko Lekin Wo Kahay jaaey Gay Haan Aor
Logon Ko Hay Khursheed e JahaaN Taab Ka Dhoka
har Roz Dikhaat Hun Main Ik Daagh e Nihaan Aor
Leta, Agar Dil Tumhen Deta, Koi Dam Chain
Karta Jo Na Marta Koi Din Aah o Fughaan Aor
Paatay Nahen Jab Raah To Charrh Jaatay Hen Naalay
Rukti Hay Miri Tabaa To Hoti Hay Rawaan Aor
Hen Aor Bhi Dunya Men Sukhanwar Bahut Achhay
Kehtay hen Keh GHALIB Ka Hay Andaaz e Bayaan Aor
Poet : Mirza Ghalib