"ویرات کوہلی، میں صرف تمہارے لیے یہاں آئی ہوں" بھارتی سیاستدان نے پاکستانی لڑکی کی تصویر شیئرکردی

"ویرات کوہلی، میں صرف تمہارے لیے یہاں آئی ہوں" بھارتی سیاستدان نے پاکستانی ...

  IOS Dailypakistan app Android Dailypakistan app

لاہور ( ویب ڈیسک )  ایشیاء کپ کے سپر فور مرحلے میں پاکستان اور بھارت کے مابین کھیلے جانے والے میچ میں ایک تصویر وائرل ہوئی جس میں  دیکھا جا سکتا ہے کہ ایک پاکستانی لڑکی نے بھارتی بلے باز ویرات کوہلی کی حمایت میں پلے کارڈ اٹھا رکھا ہے جس پر لکھا ہے کہ کوہلی ،میں صرف تمہارے لئے یہاں آئی ہوں ۔

سوشل میڈیا پر تصویر کے وائرل ہونے کے بعد  بھارتی سیاسی جماعت کانگریس کے طلبا ونگ کی سابقہ سیکرٹری اور سماجی کارکن انجیلیکا اریبم نے بھی اس پر ردعمل دیا ، انجلیکا نے اپنے ٹویٹر پر لڑکی کی تصویر شیئر کی اور ساتھ میں لکھا کہ اگر کوئی بھارتی مداح کسی پاکستانی کرکٹر کیلئے ایسا کرتا تو اسے  باغی سمجھ کر نشانہ بنایا جاتا۔

ee40d23babd5ae36149d22492a29512d

خیال رہے کہ پاکستان اور بھارت ایک دوسرے کے روایتی حریف ہیں ، کھیل کے میدان میں  دونوں ٹیمیں ایک دوسرے کے مد مقابل اترتے ہوئے  نفسیاتی دباؤ کا شکار ہوتی ہیں جبکہ دونوں ممالک کے عوام اپنی ٹیم سے مطالبہ کرتے ہیں کہ کپ ہار جائیں مگر جب بھی ایک دوسرے کے مد مقابل ہوں تو فتح ان کی ہی ہو۔

روایتی حریف سے ہارنے کی صورت میں دونوں ممالک کے عوام شدید غصے کا اظہار کرتے ہیں ، مگر کچھ عرصہ سے ایسے مداح سامنے آرہے ہیں جو  روایتی نفرتوں کی بجائے کھیل اور کھلاڑی کو چاہتے ہیں ۔

مزید :

کھیل -