بانی پی ٹی آئی پر پنجاب بھر میں 48مقدمات درج، تفصیلات سامنے آگئیں 

                                                            لاہور(کرائم  رپورٹر)بانی پی ٹی آئی عمران خان پر پنجاب میں درج مقدمات کی تفصیلات سامنے آگئیں۔پولیس رپورٹ کے مطابق بانی پی ٹی آئی پر پنجاب کے مختلف اضلاع میں کل 48 مقدمات درج ہیں، عمران خان پر لاہور میں پنجاب پولیس کی جانب سے 18مقدمات درج کیے گئے ہیں، بانی پی ٹی آئی پر شیخوپورہ میں 7مقدمہ درج ہیں۔رپورٹ میں بتایا گیا ہے سابق وزیراعظم پر گوجرانوالہ میں ایک، راولپنڈی میں 13اور اٹک میں 2 مقدمات درج ہیں، فیصل آباد میں 5، سرگودھا اور میانوالی میں ایک،ایک مقدمہ درج ہے۔پولیس رپورٹ کے مطابق عمران خان کیخلاف ایف آئی اے میں ایک اور اینٹی کرپشن پنجاب میں دو انکوائریاں زیر التوا ء ہیں۔نیب رپورٹ میں بتایا گیا ہے بانی پی ٹی آئی پر نیب کے تین کیسز زیر التوا ء ہیں، عمران خان کیخلاف 190 ملین پانڈ اور توشہ خانہ کی دو انکوائریاں زیر التوا ہیں۔

مقدمات تفصیلات