کئی شہروں میں موسم خشک، بیشتر میں بارش ہو سکتی ہے، محکمہ موسمیات

 لاہور (لیڈی رپورٹر)ملک کے بیشتر علاقوں میں موسم گرم اور خشک رہے گا تاہم بالائی خیبر پختونخوا کشمیر اور ملحقہ پہاڑی علاقوں میں چند مقامات پر تیز ہواوں اور گرج چمک کے ساتھ بارش کا امکان ہے۔محکمہ موسمیات کے مطابق  شہر لاہور کا موجودہ درجہ حرارت28ڈگری سینٹی گریڈ ریکارڈ یا گیا ہے جبکہ زیادہ سے زیادہ درجہ حرارت33ڈگری تک جانے کاامکان ہے۔ فضائی آلودگی کے اعتبار سے لاہور دوسرے نمبر پر آگیا۔ فضا میں آلودگی کی مجموعی شرح159 فیصد ریکارڈ کی گئی ہے، محکمہ موسمیات نے ملک کے مختلف شہروں میں تیز ہواؤں اور گرج چمک کے ساتھ بارش کی پیشگوئی کر دی۔ محکمہ موسمیات کے مطابق ملک کے بیشتر علاقوں میں موسم گرم اور خشک رہے گا تاہم بالائی خیبرپختونخوا، جنوب مشرقی سندھ، کشمیر اور ملحقہ پہاڑی علاقوں میں چند مقامات پر تیز ہواؤ ں اور گرج چمک کے ساتھ بارش ہو سکتی ہے۔اسلام آباد اور گرد و نواح میں موسم گرم اور خشک جبکہ مطلع جزوی ابر آلود رہنے کا امکان ہے۔پنجاب کے بیشتر اضلاع میں موسم گرم اور خشک رہنے کا امکان ہے تاہم مری، گلیات اور گرد و نواح میں تیز ہواؤں اورگرج چمک کے ساتھ بارش ہو سکتی ہے۔ بلوچستان اور سندھ کے بیشتر اضلاع میں موسم گرم اور خشک رہے گا۔ میر پور خا ص، عمر کوٹ، مٹھی اورتھر پارکر میں چند مقامات پر تیز ہواؤں اورگرج چمک کے ساتھ بارش ہو سکتی ہے۔  کشمیر میں مطلع جزوی ابر آلود رہنے کے علاوہ چند مقامات پر تیز ہواؤں اور گرج چمک کے ساتھ بارش ہونے کا امکان ہے۔ گلگت بلتستان میں مطلع جزوی ابر آلود رہے گا۔

موسم