دہشتگردی کے فتنے کر جڑ سے اکھاڑنے کیلئے کوششیں جاری رکھیں گے: آصف زرداری
لاہور(نمائندہ خصوصی)صدر مملکت آصف علی زرداری لاہور میں کیپٹن محمد علی قریشی شہید کے گھر گئے اور شہیدکیپٹن محمد علی قریشی کے لواحقین کیساتھ اظہارِ تعزیت کیا،کیپٹن محمد علی قریشی گزشتہ دنوں بلوچستان میں شہید ہوئے تھے۔ صدر مملکت نے کیپٹن محمد علی قریشی شہید کیلئے فاتحہ خوانی کی اور کیپٹن محمد علی قریشی کی خدمات اور بہادری کو خراجِ عقیدت پیش کرتے ہوئے کہا کہ مشکل کی اس گھڑی میں ہمدردیاں شہید کے اہلخانہ کیساتھ ہیں، دہشتگردی کیخلاف جنگ میں بہت سے نوجوانوں نے جانوں کا نذرانہ پیش کیا، شہید محترمہ بے نظیر بھٹو بھی دہشت گردی کیخلاف جنگ میں شہید ہوئی دہشتگردی کے فتنے کو جڑ سے اکھاڑنے کیلئے آخری دم تک کوششیں جاری رکھیں گے، صدر مملکت نے شہید کیپٹن کے اہلِ خانہ کے جذبہ حب الوطنی اور ایثار کو سراہتے ہوئے کہا کہ قوم شہداء اور انکے خاندانوں کی قربانیوں کو ہمیشہ یاد رکھے گی،صدر مملکت کی کیپٹن محمد علی قریشی کیلئے بلندی درجات، ورثاء کیلئے صبر جمیل کی دعا کی۔بعد ازاں صدر مملکت لاہور سے کراچی کیلئے روانہ ہو گئے سپیکر پنجاب اسمبلی ملک محمد احمد خان نے صدر مملکت کو الوداع کیا۔
صدر زرداری
