خواجہ آصف نے ایوان میں آگ لگانے کی کوشش کی :فرحت اللہ بابر

اسلام آباد(مانیٹرنگ ڈیسک)پاکستان پیپلز پارٹی کے رہنما فرحت اللہ بابر نے کہاہے کہ وفاقی وزیر خواجہ آصف نے گزشتہ روز ایوان میں آگ لگانے کی کوشش کی ۔قومی اسمبلی کے مشترکہ اجلاس سے اظہار خیال کرتے ہوئے فرحت اللہ بابر نے کہا کہ وفاقی وزیر خواجہ آصف نے کل جو پاکستان تحریک انصاف کے خلاف جو الفاظ استعمال کیے وہ نہایت ہی نامناسب تھے اس لیے خواجہ آصف اب بڑے پن کا مظاہرہ کرتے ہوئے پی ٹی آئی کو کہے گئے الفاظ کو واپس لینا چاہیے ۔
واضح رہ کہ گزشتہ روز پی ٹی آئی کی جانب سے ایوان میں احتجاج کیا گیا جس پر سپیکرقومی اسمبلی کے روکنے کے باوجود احتجاج جاری رہا اور وفاقی وزیر خواجہ آصف نے برہم ہو پی ٹی آئی کے ارکان اسمبلی کو سخت تنقید کا نشانہ بنایا تھا ۔