داعش نے غلط جگہ'پنگا'لے لیا،خوفناک دھمکی مل گئی

داعش نے غلط جگہ'پنگا'لے لیا،خوفناک دھمکی مل گئی
داعش نے غلط جگہ'پنگا'لے لیا،خوفناک دھمکی مل گئی

  

دمشق (نیوز ڈیسک) شامی درالحکومت میں فلسطینیوں کے کیمپ پر حملہ کرنے اور فلسطینی شہریوں کو ہلاک کر نے والی داعش کیخلاف فلسطینی تنظیم حماس نے اعلان جنگ کر دیاہے ۔گزشتہ ہفتے داعش کے جنگجو دمشق میں فلسطینی پناہ گزینوں کے کیمپ یرموک پر حملہ آور ہوئے تھے اور اس حملے میں100سے زائد فلسطینی شہری ہلاک ہوئے تھے جبکہ داعش کے جنگجوﺅں نے حماس کے ایک اتحادی گروپ کے دو رہنماﺅں کے سر قلم کر دیئے تھے۔

یمن مسئلے کے حل کیلئے پاکستان اور ترکی کی سفارتی کوششیں تیز

داعش نے دونوں رہنماﺅں کے سر قلم کرنے کی تصاویر بھی انٹرنیٹ پر شائع کیں جس کے بعد فلسطین میں غم و غصہ کی لہر دوڑگئی اور خصوصاً حماس کی جانب سے داعش سے بدلہ لینے کا اعلان کر دیاگیاہے ۔ تجزیہ کاروں کی جانب سے داعش کے خلاف حماس کے اعلان کو نہایت اہم قرار دیا جا رہا ہے کیونکہ یہ آنے والے دنوں میں داعش کیلئے بڑے مسائل کا سبب ثابت ہو سکتاہے ۔

کیمپ یرموک میں تقریباً 18ہزار فلسطینی مقیم تھے اور شام کے سرکاری ٹی وی کا کہناہے کہ داعش کے حملے کے بعد تقریباً 2ہزار لوگوں کے کیمپ چھوڑنے کی اطلاعات ہیں ۔

مزید : بین الاقوامی