بینظیر قتل کیس،گرفتار ملزمان کے وکیل کی جرح،سماعت11اپریل تک ملتوی
راولپنڈی ( نیوز رپورٹر) انسداد دہشت گردی کی خصوصی عدالت نے بے نظیر قتل کیس میں ایف آئی اے کے ڈائریکٹر خالد رسول اور ایڈیشنل آئی جی واجد ضیا ء پر گرفتار ملزمان کے وکیل ملک جواد خا لد کی جر ح کے بعد سماعت گیارہ اپریل تک ملتوی کر دی جبکہ آئند ہ سماعت پر اسٹنٹ ڈائریکٹر ایف آئی اے کراچی غلام اصغر جتوئی کوطلبی کے سمن جاری کر دیئے گزشتہ روز عدالت نے بے نظیر بھٹو قتل کیس کی سماعت شروع کی تو گواہ ایڈیشنل آئی جی واجد ضیاء اور ایف آئی اے کے ڈائریکٹر خالد رسول حاضر تھے جنہوں نے گزشتہ سماعت کے موقع پر عدالت کے روبرو اپنا بیان قلمبند کرایا جن پر ملزمان اعتزاز شاہ وغیرہ کے وکیل ملک جواد خالد ایڈووکیٹ نے جرح مکمل کی، عدالت نے سماعت مزید کارروائی کیلئے ملتوی کر دی، سماعت کے موقع پر ملزمان کے وکلاء ، سابق سی پی او سعود عزیز ، سابق ایس پی خرم شہزادکے علاوہ ملزمان رفاقت وغیرہ حاضر تھے،واضع رہے کہ 27دسمبر 2007ء کو لیاقت باغ کے مقام پر سا بق وزیر اعظم محترمہ بے نظیر بھٹو جلسہ عام سے خطاب کرکے واپس جارہی تھیں کہ لیاقت چوک میں خود کش حملہ ہو گیا جس محترمہ جاں بحق ہو گئیں اس سانحہ میں پیپلز پارٹی کے متعدد کارکن جاں بحق اور زخمی ہو گئے تھے جس کا مقدمہ تھانہ سٹی پولیس نے درج کرکے کارروائی شروع کی۔
