مصباح نے پاکستان کی بہت خدمت کی ، جگہ پر کرنا مشکل ہے : وسیم اکرم

مصباح نے پاکستان کی بہت خدمت کی ، جگہ پر کرنا مشکل ہے : وسیم اکرم

لاہور(سپورٹس رپورٹر)پاکستان کرکٹ ٹیم کے سابق کپتان وسیم اکرم نے کہا ہے کہ مصباح الحق کی جگہ پر کرنا بہت مشکل ہے،انہوں نے پاکستان کی بہت خدمت کی ہے۔سوئنگ کے سلطان نے مصباح الحق کی ٹیسٹ کرکٹ سے ریٹائرمنٹ پر بات کرتے ہوئے کہا کہ ہماری کرکٹ میں کرکٹرز کو اچھے طریقے سے الوداع کہنے کی روایت کا خاتمہ ہوا ہے اور یہ بہت اچھی بات ہے کہ کرکٹ بورڈ اور مصباح کے درمیان باہمی رضامندی سے یہ فیصلہ ہوا ہے۔اس وقت پورے پاکستان کی طرف سے مصباح کو خدا حافظ کہنا چاہیے اور اس ٹرینڈ کو بدلنا چاہیے اور لوگوں کو اچھے طریقے سے الوداع کہنا چاہیے۔وسیم اکرم نے مزید کہا کہ مصباح الحق نے ٹیم کو 2010 کے بعد نازک مرحلوں سے نکالا۔ان کا کہنا تھا کہ مصباح کی جگہ کو پر کرنا بہت مشکل کام ہے مگر جو بھی نیا کپتان ہوگا اس کو مشکل کے بعد سنبھلنا ہوگا اور اس کیلئے تھوڑا وقت لگے گا۔واضح رہے کہ قومی ٹیسٹ کرکٹ ٹیم کے کپتان مصباح الحق نے ون ڈے اور ٹی 20 کے بعد ویسٹ انڈیز کیخلاف سیریز کے بعد ٹیسٹ کرکٹ سے بھی ریٹائرمنٹ کا اعلان کردیا ہے۔

مزید : کھیل اور کھلاڑی


loading...