بلاول جان لیں سندھ کو ان کے چنگل سے آزاد کروائیں گے،مراد سعید

بلاول جان لیں سندھ کو ان کے چنگل سے آزاد کروائیں گے،مراد سعید

اسلام آباد(صباح نیوز) وفاقی وزیر مراد سعید نے کہا ہے کہ بلاول سندھ کو ذاتی جاگیر سمجھنا چھوڑ دیں ،آپ نے سندھ کے عوام پر ایسا ظلم ڈھایا کہ نسلوں تک غربت کی دلدل میں دھنس گئیں،بلاول جان لیں سندھ کو ان کے چنگل سے آزاد کروائیں گے ، بچ نکلنے کی ایک ہی صورت ہے ابا جی کو قوم کی لوٹی دولت واپس کرنے پر رضا مند کریں ۔ بلاول بھٹو کی میڈیا گفتگو پر اپنے ردعمل میں مراد سعید نے کہاکہ کراچی سے تھر تک عوام بنیادی سہولتوں کیلئے سسک رہے ہیں۔ آپ نے کیسے سوچ لیا سندھ کے عوام پر جبر کریں اور کوئی آپ کا ہاتھ نہ پکڑے وہ دور گزر چکا جب آپ لاہور کے شریفوں سے مک مکا کرکے لوٹ مار کیا کرتے تھے۔ وزیراعظم نے ہر کرپٹ شخص کو قانون کے کٹہرے میں کھڑا کرنے کا عزم کررکھا ہے ۔ آپ کی جمہوریت خطرے میں آئے یا دماغ پر سندھ کارڈ کا خبط سوار ہو مگر رعایت نہیں ملے گی۔

مزید : صفحہ آخر


loading...