اپنی زندگی کے قیمتی لمحات میں فیملی سے دور ہونے پر دُکھ ہے : حسن علی
لاہور (ویب ڈیسک) قومی کرکٹ ٹیم کے فاسٹ بولر حسن علی بیٹی کی پیدائش پر اہلِ خانہ سے دور ہونے ہر دُکھی ہیں۔
تفصیلات کے مطابق حسن علی نے اپنے ٹوئٹ میں بیٹی کی پیدائش پر جذبات کا اظہار کرتے ہوئے کہا کہ اپنی زندگی کے اس قیمتی لمحے میں میرا فیملی کے ہمراہ نہ ہونا یکدم دُکھی کردیتا ہے۔
@RealHa55an Congratulations. Being away from family and playing for country during these times should be appreciated. ???? https://t.co/qkeMHjQTM5
— Daniel Alexander (@daniel86cricket) April 6, 2021
انہوں نے اپنے ٹوئٹ میں یہ بھی لکھا کہ ’لیکن اس وقت ملک کی خدمت کر کے میں خوشی محسوس کررہا ہوں۔‘
یاد رہے کہ گزشتہ روز حسن علی نے سوشل میڈیا پر جاری پیغام میں بتایا تھا کہ اللّٰہ نے انہیں بیٹی کی رحمت سے نوازا ہے، ننھی شہزادی کو ہماری فیملی میں خوش آمدید۔
واضح رہے کہ 20 اگست 2019 کو حسن علی بھارتی دوشیزہ سامعہ آرزو کے ساتھ رشتہ ازدواج میں منسلک ہوئے تھے۔ شادی کی شاندار تقریب دنیا کے مہنگے ترین ہوٹلوں میں سے ایک دبئی کے سیون اسٹار ہوٹل میں منعقد کی گئی تھی۔
سامعہ آرزو متحدہ عرب امارات میں مقیم ہیں لیکن وہ گوجرانوالہ بھی آتی رہتی ہیں۔