سربراہ عوامی راج پارٹی جمشیددستی نے مفت بس سروس بندکردی

سربراہ عوامی راج پارٹی جمشیددستی نے مفت بس سروس بندکردی

مظفر گڑھ (آئی این پی)عوامی راج پارٹی کے سربراہ جمشیددستی نے عوام کو مفت سفری سہولیات فراہم کرنیوالی بس سروس بندکردی ۔قومی اسمبلی کی تین اور ایک صوبائی نشست ہار کر پارلیمانی سیاست سے باہر ہوجانیوالے جمشیددستی نے نہ صرف فری بس سروس ختم کردی بلکہ پانچوں بسوں کومقامی پیٹرول پمپ پر کھڑا کردیا ۔جمشید دستی نے اپنے انتخابی حلقے این اے 182 سمیت قریبی علاقوں میں شہریوں کو مفت سفری سہولیات کی فراہمی کیلئے 2010کے بعد مفت بس سروس شروع کی تھی اور ان بسوں میں سفر کرنیو الے شہریوں سے کرایہ وصول نہیں کیاجاتاتھا۔جمشیددستی کے میڈیا کوآرڈینیٹر سہیل غوری کاکہناہے فنڈز کی کمی کے سبب فری بس سروس معطل کی گئی، جسے چند روز بعد بحال کردیا جائیگا۔

بس سروس بند

مزید : علاقائی