پشاور میں عمران خان کی گاڑی کیساتھ پروٹوکول کی کتنی گاڑیاں تھیں؟ حقیقت سامنے آ گئی، دیکھ کر آپ کو یقین نہیں آئے گا

پشاور میں عمران خان کی گاڑی کیساتھ پروٹوکول کی کتنی گاڑیاں تھیں؟ حقیقت سامنے ...
پشاور میں عمران خان کی گاڑی کیساتھ پروٹوکول کی کتنی گاڑیاں تھیں؟ حقیقت سامنے آ گئی، دیکھ کر آپ کو یقین نہیں آئے گا

روزنامہ پاکستان کی اینڈرائیڈ موبائل ایپ ڈاؤن لوڈ کرنے کے لیے یہاں کلک کریں۔

پشاور (ڈیلی پاکستان آن لائن) پاکستان تحریک انصاف (پی ٹی آئی) کے چیئرمین اور متوقع وزیراعظم عمران خان پشاور گئے تو بغیر پروٹوکول کے سفر کیا۔ سابق وزیراعلیٰ خیبرپختونخواہ پرویز خٹک گاڑی چلا رہے تھے جبکہ گاڑی میں موجود علی زیدی نے ویڈیو بنا کر سوشل میڈیا پر اپ لوڈ کر دی۔

علی زیدی نے ویڈیو اپ لوڈ کرتے ہوئے لکھا کہ تبدیلی یہی ہے کہ پاکستان کی سب سے بڑی جماعت کا چیئرمین بغیر پروٹوکول کے سفر کر رہا ہے جبکہ ویڈیو میں گاڑی میں بیٹھے تمام افراد کے درمیان مکالمہ بھی سنا جا سکتا ہے جس میں عمران خان بھی حصہ لیتے ہیں اور پروٹوکول کے حوالے سے ہی باتیں ہو رہی ہیں۔

ویڈیو سوشل میڈیا پر جنگل کی آگ کی طرح پھیلی اور عمران خان کے مداح تعریف کرنے لگے لیکن مخالفین نے سڑک کے دونوں جانب کھڑے پولیس اہلکاروں اور عمران خان کی گاڑی کے سامنے جاتی پولیس کی گاڑی کی نشاندہی کرتے ہوئے کہا کہ عمران خان پروٹوکول کیساتھ ہی سفر کر رہے ہیں۔

سوشل میڈیا پر اس حوالے سے گرماگرم بحث جاری ہے مگر عمران خان کے قافلے میں سیکیورٹی گاڑیوں کی صحیح تعداد بھی سامنے آ گئی ہے اور ایک نئی ویڈیو میں دیکھا جا سکتا ہے کہ پی ٹی آئی چیئرمین کی گاڑی کیساتھ 5 سیکیورٹی گاڑیاں بھی ہیں جن میں سے 4 آگے اور ایک پیچھے سفر کر رہی تھی۔

یہ ویڈیو سامنے آنے کے بعد پاکستانیوں نے عمران خان کی تعریف کی ہے ان کے قافلے میں شامل سیکیورٹی گاڑیوں کی تعداد ناصرف بہت کم ہے بلکہ ان کے سفر کی وجہ سے روٹ لگا کر سڑک کو عوام الناس کیلئے بند بھی نہیں کیا گیا جو کہ ایک اچھا اقدام ہے۔

مزید : قومی /ڈیلی بائیٹس /علاقائی /خیبرپختون خواہ /پشاور