غزہ کے 50شہریوں کی اسرائیلی جیل میں قید عزیزوں سے ملاقات

غزہ کے 50شہریوں کی اسرائیلی جیل میں قید عزیزوں سے ملاقات
غزہ کے 50شہریوں کی اسرائیلی جیل میں قید عزیزوں سے ملاقات

  

غزہ (یواین پی) فلسطینی علاقے غزہ کی پٹی سے تعلق رکھنے والے 50 فلسطینی شہریوں نے مقبوضہ مغربی کنارے میں قائم اسرائیل کی نفحہ جیل میں قید اپنے پیاروں سے ملاقات کی۔ 

میڈیا رپورٹس کے مطابق فلسطینی اسیران اور ان کے اقارب کے درمیان ملاقات کا اہتمام انسانی حقوق کیلئے کام کرنے والے ادارے ریڈ کراس کی جانب سے کیا گیا تھا۔ریڈ کراس کی ترجمان امانی ناعوق نے بتایا غزہ کی پٹی کے 50 شہریوں جن میں 13 بچے شامل تھے نے اسرائیلی نفحہ جیل میں قید 30 اسیران سے ملاقات کی۔ ملاقات کیلئے غزہ کے شہری سرحدی گذرگاہ بیت حانون سے بسوں کے ذریعے راستے پہنچے تھے۔خیال رہے کہ اسرائیلی جیلوں میں پابند سلاسل فلسطینیوں کی تعداد 6500 سے زاید ہے۔ ان میں سیکڑوں فلسطینی غزہ کی پٹی سے تعلق رکھتے ہیں۔ اسیران میں 62 خواتین اور 350 بچے ہیں جن کی عمریں 18 سال سے کم بتائی جاتی ہیں۔

مزید : بین الاقوامی