مقبوضہ کشمیر کی بگڑتی ہوئی صورتحال پر چین نے بالآخر دبنگ بیان دے دیا ،بھارت کو زور دار جھٹکا

مقبوضہ کشمیر کی بگڑتی ہوئی صورتحال پر چین نے بالآخر دبنگ بیان دے دیا ،بھارت ...
مقبوضہ کشمیر کی بگڑتی ہوئی صورتحال پر چین نے بالآخر دبنگ بیان دے دیا ،بھارت کو زور دار جھٹکا

  


بیجنگ (ڈیلی پاکستان آن لائن )چین نے جموں کشمیر کی حیثیت تبدیل کرنے کے یکطرفہ فیصلے کی مخالفت کردی ۔نجی نیوز چینل اے آر وائی نیوز کے مطابق چینی سفیر یاﺅجنگ نے کہاہے کہ کشمیر کی حیثیت ایک متنازع علاقے کی ہے ،اقوام متحدہ قرار داد کے مطابق اس حوالے سے پاکستان اور بھارت کے درمیان معاہدہ موجود ہے ۔انہوں نے کہا کہ عالمی قوانین کی پاسداری ہونی چاہیے ،پاکستان اور چین ہمیشہ انصاف اور عالمی قوانین کی پاسداری کے لیے ساتھ رہے ہیں ۔چینی سفیر کا کہنا تھا کہ چین اقوام متحدہ کی سیکیورٹی کونسل کا رکن ہے ،چین پر امن و استحکام کے لیے خصوصی ذمہ داریاں ہیں ۔یاﺅ جنگ نے مزید کہا کہ امید ہے کہ پاکستان اور بھارت عوام کے لیے بہتر فیصلہ کریں گے ،دونوں ممالک کا بہتر فیصلہ پورے خطے کے لیے مفید ہے ۔

مزید : اہم خبریں /قومی