سول ایوی ایشن اتھارٹی نے پی آئی اے کے معطل 28 پائلٹس کو بحال کر دیا

   سول ایوی ایشن اتھارٹی نے پی آئی اے کے معطل 28 پائلٹس کو بحال کر دیا

  

 اسلام آباد (مانیٹرنگ ڈیسک)سول ایوی ایشن اتھارٹی نے پاکستان انٹرنیشنل ائیرلائنز (پی آئی اے) کے معطل 28 پائلٹس کو بحال کردیا۔ائیرلائن ذرائع کا کہنا ہے کہ بحال ہونے والے پائلٹس کل سے فلائٹ ڈیوٹی شروع کردیں گے۔خیال رہے کہ جعلی یا مشکوک لائسنس کے الزام کے تحت حکومت نے پی آئی ایکے 141 پائلٹس سمیت 262 پائلٹس کی لسٹ جاری کی تھی اور انہیں معطل کردیا گیا تھا۔جیو نیوز نے 262 مشکوک لائسنس کیحامل پائلٹوں کی لسٹ میں غلطیوں کی نشاندہی کی تھی، بعد ازاں پی آئی اے کے 141 ناموں میں سے کمی کرکے 101 پائلٹس کا نام دیا گیا تھا جس میں سے اب 28 کو بحال کردیا گیا ہے۔ذرائع کا کہنا ہے کہ آئندہ 2 روز میں مزید 8 پائلٹوں کو بحال کردیا جائے گا جب کہ بقیہ کیسز کا بھی جائزہ لیا جارہا ہے۔

 بحال

مزید :

صفحہ اول -