دو لڑکیوں کی شادی کے معاملے میں ایک اور ڈرامائی موڑ، بیوی بننے والی نیہا گرفتار

دو لڑکیوں کی شادی کے معاملے میں ایک اور ڈرامائی موڑ، بیوی بننے والی نیہا ...
 دو لڑکیوں کی شادی کے معاملے میں ایک اور ڈرامائی موڑ، بیوی بننے والی نیہا گرفتار

  

راولپنڈی، لاہور(ویب ڈیسک) ٹیکسلا میں میں دو لڑکیوں کی شادی کے معاملے میں ایک ڈرامائی موڑ آگیا اورپولیس نے  بیوی بننے والی نیہا  کو لاہور سے تحویل میں لے لیا ہے۔

ایس ایچ او ٹیکسلا کا کہنا ہے کہ دلہن بننے والی لڑکی نیہا کو  معزز عدالت کے روبرو پیش کرنے کے لئے لاہور سے تحویل میں لیا گیا ہے جب کہ خود کو لڑکا ظاہر کرنے والے  علی آکاش کی تلاش کے لئے ایس ایچ او ٹیکسلا اور پولیس ٹیم کے چھاپے جاری ہیں۔تھانہ ٹیکسلا کے ایس ایچ او نے بتایا کہ معزز عدالت کے حکم کے مطابق نیہا کو کل عدالت میں پیش کیا جاۓ گا۔ جب کہ علی آکاش کو بھی گرفتار کر کے عدالت کے روبرو پیش کردیا جاۓ گا۔

واضح رہے کہ اس معمے کی  گتھی پہلے ہی سلجھ چکی ہے اور خود کو لڑکا کہنے والی عاصمہ بی بی (علی آکاش) نے میڈیکل کروا کر اپنی جنس لڑکا ثابت کرنے کے بجائے اپنی بیوی نیہا علی کو طلاق دے دی ہے۔

مزید :

ڈیلی بائیٹس -جرم و انصاف -