لاہور،کراچی سمیت  بڑے  شہروں میں کھانے پینے کی چیزیں  زیادہ مہنگی،ادارہ شماریات

لاہور،کراچی سمیت  بڑے  شہروں میں کھانے پینے کی چیزیں  زیادہ مہنگی،ادارہ ...

  

 اسلام آباد (مانیٹرنگ ڈٖیسک)وفاقی ادارہ شماریات نے ملک کے مختلف شہروں میں اشیائے خوردونوش کی قیمتوں کے حوالے سے اعداد و شمار جاری کردیے۔ادارہ شماریات کی رپورٹ کے مطابق کراچی، اسلام آباد اور لاہور سمیت بڑے شہروں میں کھانے پینے کی چیزیں سب سے زیادہ مہنگی ہیں۔ادارہ شماریات کے مطابق کراچی اور حیدرآباد میں 20 کلو  آٹیکے تھیلے کی قیمت سب سے زیادہ ریکارڈ ہوئی، کراچی اور حیدرآباد کے شہری 20 کلو آٹے کا تھیلا 1940 روپے تک خرید رہے ہیں، 20 کلو آٹے کے تھیلے کی قیمت سکھر میں 1700،لاڑکانہ میں 1800اور کوئٹہ اور خضدار میں 20 کلو آٹیکا تھیلا 1800 روپے تک فروخت ہو رہا ہے۔ادارہ شماریات کی رپورٹ کے مطابق ڈھائی کلوگھی کے ڈبے کی سب سے زیادہ قیمت لاڑکانہ،  حیدرآباد اور کراچی میں ریکارڈ ہوئی، ڈھائی کلو گھی کا ڈبہ لاڑکانہ میں 1485،کراچی اور  حیدرآباد میں 1480 روپیکا ہے، ملتان اور سیالکوٹ میں بھی ڈھائی کلو گھی کے ڈبے کی قیمت 1480 تک ہے۔اس کے علاوہ  فیصل آباد اور بنوں میں آلو کی قیمت زیادہ سے زیادہ 100 روپے کلو تک پہنچ گئی ہے،  اسلام آباد،راولپنڈی اور کراچی میں ٹماٹر کی قیمتیں 100 روپیکلو سے تجاوز کرگئی ہیں۔رپورٹ کے مطابق اسلام آباد، راولپنڈی، لاہور، فیصل آباد اورکراچی میں پیاز 100 روپے کلو سے زائد مل رہی ہے۔

ادارہ شماریات

مزید :

کامرس -صفحہ اول -