10سے 13اگست تک پنجاب میں موسلاد ھار بارش کا امکان، الرٹ جاری 

10سے 13اگست تک پنجاب میں موسلاد ھار بارش کا امکان، الرٹ جاری 

  

 لاہوراپنے نمائندے سے) پی ڈی ایم اے پنجاب نے مون سون بارشوں کا نیا سلسلہ شروع ہونے کا الرٹ جاری کردیا پی ڈی ایم اے کی جانب سے الرٹ میں کہا گیا ہے کہ مون سون ہوائیں ملک میں داخل ہو رہی ہیں۔ 10سے 13 اگست تک پنجاب کے مختلف شہروں میں موسلادھار بارش کا امکان ہے۔پی ڈی ایم اے کا کہنا ہے کہ لاہور،فیصل آباد اور گوجرانوالہ میں نشیبی علاقے زیر آب آنے کا خدشہ ہے۔موسلادھار بارش کے باعث راولپنڈی،سیالکوٹ اور نارووال کے مقامی ندی نالوں میں طغیانی کا خدشہ ہے۔پی ڈی ایم اے نے کہا ہے کہ ڈی جی خان کے برساتی اور مقامی ندی نالوں میں بھی طغیانی کا خطرہ ہے۔دریائے راوی،جہلم اور چناب کے برساتی نالوں میں پانی کے بہاؤ میں اضافے کا امکان ہے پی ڈی ایم نے مری میں لینڈ سلائیڈنگ کا خدشہ  بھی ظاہر کیا ہے۔ حکام کا کہنا ہے کہ  سیاح اور مسافر محتاط رہیں، غیر ضروری سفر سے گریز کریں پی ڈی ایم اے  نے متعلقہ اداروں کو ہدایت کی ہے کہ کسی بھی ہنگامی صورتحال سے نمٹنے کے لیے ہمہ وقت تیار رہیں۔

بارش

مزید :

صفحہ آخر -