رجب طیب اردگان ہسپتال مظفرگڑھ میں 250 بستروں کا اضافہ کیا جا رہا ہے،سلمان رفیق

رجب طیب اردگان ہسپتال مظفرگڑھ میں 250 بستروں کا اضافہ کیا جا رہا ہے،سلمان رفیق

  

لاہور (جنرل رپورٹر)صوبائی وزیرسپیشلائز ڈ ہیلتھ کےئر اینڈ میڈیکل ایجوکیشن خواجہ سلمان رفیق نے کہا ہے کہ جنوبی پنجاب کے عوام کے لئے علاج معالجہ کی جدید سہولیات میں مزید اضافہ کے لئے وزیر اعلی محمد شہباز شریف کی ہدایت پر رجب طیب اردگان ہسپتال مظفرگڑھ میں پہلے مرحلہ میں 250 بستروں کا اضافہ کیا جا رہا ہے جس پر تقریبا 3ارب روپے خرچ کئے جا رہے ہیں ۔ انہوں نے کہا کہ دوسرے مرحلہ میں مزید 250 بستر مذکورہ ہسپتال میں شامل کئے جائیں گے ۔انہوں نے یہ بات رجب طیب اردگان ہسپتال مظفر گڑھ کے بور ڈ آف ٹرسیٹز کے اجلاس میں شرکت کے بعد بتائی ۔ سیکرٹری سپیشلائزڈ ہیلتھ کےئر اینڈ میڈیکل ایجوکیشن نجم احمد شاہ بھی اس موقع پر موجود تھے۔ خواجہ سلمان رفیق نے بتایا کہ خون کے انتقال کے ذریعے پھیلنے والی بیماریوں کی روک تھام کے لئے ریجنل بلڈ سینٹر قائم کئے جا رہے ہیں تاکہ ضرورت پڑنے پر مریضوں اور زخمیوں کو شفاف اور بیماریوں سے پاک خون مہیا کیا جا سکے ۔ انہوں نے بتایا کہ ملتان اور بہاولپور کے ریجنل بلڈ سینٹرز اور معذور افراد کے لئے قائم کئے گئے بحالی مراکز کو انڈس ہاسپیٹل ٹرسٹ چلائے گا۔ وزیر صحت کا کہنا تھا کہ حکومت عوام کو بہتر سے بہتر طبی سہولیات فراہم کرنے کے لئے کوشاں ہیں اور اس مقصد کے لئے تمام وسائل بروئے کار لائے جا رہے ہیں ۔

مزید :

میٹروپولیٹن 1 -