واجبات سے متعلق 40سالہ پرانا ریکارڈ کہاں سے لائیں ،وزیراعظم کے وکیل کا موقف

واجبات سے متعلق 40سالہ پرانا ریکارڈ کہاں سے لائیں ،وزیراعظم کے وکیل کا موقف
واجبات سے متعلق 40سالہ پرانا ریکارڈ کہاں سے لائیں ،وزیراعظم کے وکیل کا موقف

  

اسلام آباد (مانیٹرنگ ڈیسک ) سپریم کورٹ میںپاناما لیکس کیس کی سماعت کے دوران وزیراعظم کے وکیل سلمان بٹ نے کہا کہ دبئی مل کے واجبات سے متعلق چالیس سالہ پرانا ریکارڈ کہاں سے لائیں ؟،دبئی کے بینک پانچ سال سے پرانا ریکارڈ نہیں رکھتے۔پانا ما کیس کے دوران وزیرا عظم کے وکیل سلمان بٹ نے اپنے دلائل میں کہا کہ پی ٹی آئی نے کہا دبئی مل کے واجبات 36ملین درہم تھے جبکہ نعیم بخاری نے کہا کہ بجلی کے واجبات 2ملین ہیں ، بجلی کے واجبات قسطوں میں ادا کیے۔

جس پر جسٹس آصف سعید کھوسہ نے پوچھا کہ اقساط میں رقم کس نے ادا کی تو وکیل سلمان بٹ نے بتایا کہ رقم طارق شفیع نے ادا کی جس پر عدالت نے مزید کہا کہ اگر مل خسارے میں تھی تو واجبات کیسے ادا کیے تو سلمان بٹ نے موقف اپنایا کہ 40سال پرانا ریکارڈ ہے کہاں سے لائیں ، دبئی کے بینک 5سال سے پرانا ریکارڈ نہیں رکھے ،1999کے مارشل لاکے بعد ہماری کمپنیوں کا ریکارڈ سیل کر کے قبضے میں لے لیا گیا تو عدالت نے ریمارکس دیے کہ سلمان بٹ اپنے موکل وزیرا عظم کے دفاع کیلئے خطرناک دلائل دے رہے ہیں۔”آپ کا یہ موقف آپکے لیے خطرنا ک ثابت ہو سکتا ہے “۔

مزید :

قومی -