وزیراعظم عمران خان کو پاکستانی فوٹوگرافر نے رنگے ہاتھوں پکڑ لیا

وزیراعظم عمران خان کو پاکستانی فوٹوگرافر نے رنگے ہاتھوں پکڑ لیا
وزیراعظم عمران خان کو پاکستانی فوٹوگرافر نے رنگے ہاتھوں پکڑ لیا

  

اسلام آباد (ڈیلی پاکستان آن لائن) سوشل مٰیڈیا صارفین عمومی طورپر   کسی تصدیق اور متعلقہ فرد یا ادارے کے کریڈٹ کے بغیر  اپنی پسند کی کوئی بھی چیز شیئرکردیتے ہیں اور ایسا ہی عمران خان نے بھی کیا لیکن انہیں پاکستانی فوٹوگرافر نے رنگے ہاتھوں پکڑ لیا۔

وزیراعظم عمران خان نے ٹوئٹر پر چار تصاویر شیئرکرتے ہوئے لکھا کہ  ’ سرما کے آغاز سے قبل گلگت بلتستان میں چہار سو پھیلے رنگ ، یہ خطہ زمین پر میرے پسندیدہ مقامات میں سے ایک ہےٗ۔

عمران خان کی طرف سے ٹوئٹر پر یہ تصاویر شیئر کی گئیں تو متعلقہ فوٹوگرافر بھی چپ نہ رہ سکا اور لکھا کہ ان کی ٹوئیٹ کو ری ٹوئیٹ کرتے ہوئے لکھا کہ " میری تصاویر شیئر کرنے پر  آپ کا شکریہ سر عمران خان، لیکن  یہ اچھی بات  ہوتی اگر میرا واٹر مارک نہ کاٹا جاتا اور مجھے کریڈٹ دے دیتے "۔

اس پر صارفین کی جانب سے ملا جلا ردعمل دیکھنے میں آیا لیکن فوٹو گرافر نے ایک بار ٹوئٹر کا میدان سنبھالا اور واضح کیا کہ " دل بڑا ہے ، اسی لیے خان صاحب کا شکریہ ادا کیا، وہ کریڈٹ نہیں دے رہے ، پھر بھی کاپی رائیٹ کلیم نہیں کررہا"۔

مزید :

ڈیلی بائیٹس -