چوتھے روز کا کھیل ختم ، ڈھاکہ ٹیسٹ میں بنگلہ دیش کیخلاف ساجد خان کی تباہ کن باؤلنگ ،35 رنز دیکر6 وکٹیں گرا دیں

چوتھے روز کا کھیل ختم ، ڈھاکہ ٹیسٹ میں بنگلہ دیش کیخلاف ساجد خان کی تباہ کن ...
چوتھے روز کا کھیل ختم ، ڈھاکہ ٹیسٹ میں بنگلہ دیش کیخلاف ساجد خان کی تباہ کن باؤلنگ ،35 رنز دیکر6 وکٹیں گرا دیں

  

ڈھاکہ  (ڈیلی پاکستان آن لائن) پاکستان اور بنگلہ دیش کے مابین دوسرے ٹیسٹ کے چوتھے روز کا اختتام ہو گیا، چوتھے دن کا کھیل ساجد خان کے نام رہا جنہوں نے 35رنز دیکر 6 بنگالی بلے بازوں کو پویلین کی راہ دکھائی ۔

پاکستان کے 300 رنز کے جواب میں بنگلہ دیش کی ٹیم اپنی پہلی اننگز میں لڑکھڑاہٹ کا شکار نظر آئی ، ساجد خان کی زبردست باولنگ نے کسی بلے باز کو ٹکنے نہ دیا ، تمام بنگالی کھلاڑی  ساجد خان کے سامنے ریت کی دیوار ثابت ہوئے ۔ صرف ایک کے مجموعی سکور پر اوپنر محمد الحسن ساجد خان کی گیند پر کپتان بابر اعظم کو کیچ تھما بیٹھے ، 20 کے مجموعی سکو رپر ساتھی اوپنر شادمان اسلام بھی ساجد کی گیند پر کیچ آؤٹ ہو گئے ۔ 22 کے مجموعی سکو رپر کپتان مومن الحق صرف ایک رن بنا کر رن آؤٹ ہوئے ،مشفیق الرحیم نے پانچ سکور بنائے ، وہ بھی ساجد خان کا شکار بنے ۔

وکٹ کیپر لٹن داس ساجد خان کی گیند پر ان ہی کے ہاتھوں کیچ آؤٹ ہوئے ۔دن کے اختتام پر شکیب الحسن 23 اور تیج السلام بغیر کوئی رن بنائے کریز پر موجود تھے ۔

اس سےقبل چوتھے روز کا کھیل شروع ہوا تو پاکستان نے 188 رنز سے اپنی اننگز شروع کی  اور 300 رنز بنا کر اننگز ڈکلیئر کر دی ۔ آج دن کے آغاز میں ہی اظہر علی عبادت حسین کی گیند پر کیچ آؤٹ ہوئے انہوں نے 56 سکور کئے ،کچھ ہی دیر بعد کپتان بابر اعظم بھی خالد احمد کی گیند پر ایل بی ڈبلیو ہو گئے ۔ بابر اعظم نے 76 رنز کی اننگز کھیلی ۔

فواد عالم اور محمد رضوان نے ناقابل شکست ففٹیز سکور ہیں ، فواد نے 50 اور محمد رضوان نے 53 سکور کئے ۔ پاکستان کا سکور 300 پر پہنچتے ہی قومی ٹیم نے اننگز ڈکلیئر کر دی ۔

 شیربنگلا سٹیڈیم میں بوندا باندی کے سبب آج چوتھے روز کا کھیل تاخیر سے شروع ہوا جبکہ گزشتہ روز بارش کی وجہ سے ایک گیند بھی نہ پھینکی جا سکی تھی  ، بکہ گزشتہ سے پیوستہ روز  بھی پورے دن میں صرف 6 اوورز پھینکے گئے تھے ۔  یعنی  ابتدائی 3 دن میں صرف 63 اوورز کرائے جا سکے۔واضح رہے کہ پاکستان کو  دو  ٹیسٹ میچوں کی سیریز میں ایک صفر کی برتری حاصل ہے۔

مزید :

اہم خبریں -کھیل -