اسلام آباد کا سب سے بڑا شاپنگ مال سینٹورس ایک بار پھر سیل، تاجروں کا شدید احتجاج 

اسلام آباد کا سب سے بڑا شاپنگ مال سینٹورس ایک بار پھر سیل، تاجروں کا شدید ...

  

اسلام آباد (مانیٹرنگ ڈیسک) وفاقی دارالحکومت اسلام آباد کے سب سے بڑے شاپنگ مال سینٹورس کو ایک بار پھر سیل کر دیا گیا۔سینٹورس مال کو چاروں اطراف سے خار دار تاریں لگا کر سیل کیا گیا ہے، پولیس کی بھاری نفری سینٹورس مال کے اطراف میں تعینات ہے۔نوٹس میں کہا گیا ہے کہ سی ڈی اے بلڈنگ کنٹرول اور فائر سیفٹی کے بتائے گئے اقدامات نہیں اٹھائے گئے جبکہ آگ سے عمارت کو پہنچنے والے نقصان کا بھی ازالہ نہیں کیا گیا۔سی ڈی اے بلڈنگ کنٹرول کی جانب سے سینٹورس مال کو سیل کیا گیا ہے، ڈائریکٹر بلڈنگ کنٹرول نے دروازے پر نوٹس لگایا ہے کہ سینٹورس مال کو غیر قانونی استعمال پر سیل کیا گیا ہے۔سی ڈی اے بلڈنگ کنٹرول اور اسلام آباد انتظامیہ نے رات گئے سنٹورس مال سے گارڈز اور مال انتظامیہ کو باہرنکال کر مال کو سیل کیا تھا۔مال کو سیل کرنے پر تاجروں نے شدید احتجاج کیا ہے۔کیپیٹل ڈیو یلپمنٹ اتھارٹی (سی ڈی اے) نے سینٹورس شاپنگ مال کو دوبارہ کھولنے کا فیصلہ کر لیا۔ہم نیوز کے مطابق سینٹورس مال کو جلد ہی ڈی سیل کر دیا جائے گا تاہم جس حصے میں قواعد کی خلاف ورزیاں کی گئی ہیں وہ حصہ سیل رہے گا۔

شاپنگ مال

مزید :

صفحہ آخر -