آٹے کی صورتحال ابتر،کم آمدنی والا طبقہ خوار ہونے پر مجبور

آٹے کی صورتحال ابتر،کم آمدنی والا طبقہ خوار ہونے پر مجبور

  

لاہور (لیڈی رپورٹر)کم آمدنی والا طبقہ سستے آٹے کو ترس گیا، شہر میں آٹے کی سپلائی کی صورتحال بہتر ہونے کی بجائے مزید ابتر ہوگئی، یوٹیلیٹی سٹورز کے باہر طویل قطاروں میں لگے شہری سستے آٹے کے منتظر رہے جبکہ دوسری جانب شہر کی اوپن مارکیٹ میں سستے آٹے کے تھیلے تاحال غائب ہیں۔شہریوں کا کہنا ہے کہ آٹے جیسی بنیادی ضرورت زندگی کیلئے ایسی تذلیل کبھی نہیں دیکھی،زرعی ملک ہے اور کھانے کیلئے آٹا بھی دستیاب نہیں۔شہر میں لائسنس والی کریانہ شاپس پر آٹے کی سپلائی آئے 1 ہفتہ گزر گیا،کریانہ شاپس مالکان نے کہا ہے کہ 10 اور 20 کلوآٹے کے تھیلے اوپن مارکیٹ سے غائب ہیں،ملز مالکان تمام ذمہ داری پنجاب حکومت پر عائد کررہے ہیں، پنجاب حکومت ملز کو طلب کے مطابق گندم نہیں دے رہی۔شہریوں نے وفاقی اور پنجاب حکومت سے مطالبہ کیاہے کہ یوٹیلیٹی سٹورز اور اوپن مارکیٹ میں طلب کے مطابق آٹے کی فراہمی یقینی بنایا جائے۔

مزید :

میٹروپولیٹن 1 -