" ایران میں پورےحجاب کے ساتھ جاؤں گی"، اداکارہ سحر شنواری

" ایران میں پورےحجاب کے ساتھ جاؤں گی"، اداکارہ سحر شنواری
سورس: @instagram/Sehar Shinwari

  

پشاور(ڈیلی پاکستا ن آن لائن)خیبرپختونخواہ سے تعلق رکھنے والی پاکستانی اداکارہ سحر شنواری نے  ٹویٹر پر اعلان کرتے ہوئے کہا کہ  " میں ایران کی اسلامی حکومت کی حمایت کے لیے پورے حجاب کے ساتھ ایران جاؤں گی"۔

سماجی رابطے کی سائٹ ٹویٹر پر اداکارہ سحر شنواری نے باحجاب ایران جانے کا اعلان کرتے ہوئے اپنی  ٹوئٹ میں لکھا  ہے کہ  "حجاب کوئی بری چیز نہیں ہے، برائے مہربانی اس کو بدنام کرنا بند کریں"۔

واضح رہے کہ اداکارہ سحر شنواری اپنی روز مرہ کی زندگی میں حجاب نہیں پہنتیں، انہوں نے یہ اعلان ایرانی حکومت کی حمایت میں کیا ہے۔

 اس سے قبل ایک اور ٹوئٹ میں اداکارہ  نے کہا کہ"سچ سچ بتائیں کہ وہ  حجاب میں کیسی لگ رہی ہوں؟ اگر اُن کی باحجاب تصویر کو 10 ہزار ٹوئٹر صارفین نے ری ٹوئٹ کیا تو وہ ہمیشہ کے لیے حجاب پہن لیں گی۔

یاد رہے کہ مہسا امینی کی ہلاکت کے خلاف مظاہروں میں حجاب قانون کی تبدیلی کے مطالبات کیے جا رہے تھے۔ ایرانی پارلیمنٹ نے حجاب قانون کا جائزہ لینا شروع کر دیا۔جس پر ایران نے عندیہ دیا ہے کہ" وہ ملک میں رائج حجاب قانون میں تبدیلی پر غور کر رہے ہیں". جس کے خاتمے کے لیے ملک بھر میں مہسا امینی کی پولیس کی حراست میں ہلاکت کے بعد سے پُرتشدد احتجاج جاری ہیں۔

مزید :

تفریح -