معروف سابق بھارتی کرکٹر نے پاکستانی ٹیم کی کوچنگ کیلئے آفر کروا دی 

معروف سابق بھارتی کرکٹر نے پاکستانی ٹیم کی کوچنگ کیلئے آفر کروا دی 
معروف سابق بھارتی کرکٹر نے پاکستانی ٹیم کی کوچنگ کیلئے آفر کروا دی 

  IOS Dailypakistan app Android Dailypakistan app

ممبئی (ڈیلی پاکستان آن لائن )سابق بھارتی کرکٹر اجے جڈیجا نے پاکستانی کرکٹ ٹیم کی کوچنگ سے متعلق سوال پر دلچسپ جواب دیدیا ہے۔

بھارت میں کھیلے جانے والے آئی سی سی مینز کرکٹ ورلڈکپ 2023 میں افغان ٹیم کے ساتھ بطور مینٹور منسلک رہنے والے سابق بھارتی کرکٹر اجے جڈیجا کا کہنا ہے کہ ’میں پاکستان کرکٹ ٹیم کی کوچنگ کیلئے تیار ہوں‘۔

افغانستان کی ٹیم نے بھارت میں شیڈول ورلڈکپ میں شاندار کھیل کا مظاہرہ کرتے ہوئے پاکستان، انگلینڈ جیسی مضبوط ٹیموں کے علاوہ نیدرلینڈز اور سری لنکا کی ٹیموں کو شکست دی تھی۔مقامی ٹی وی پر پروگرام کے دوران بھارتی کرکٹر سے سوال کیا گیا کہ اگر پاکستان ٹیم کی کوچنگ کیلیے پیشکش ہو تو کیا قبول کریں گے، اس پر جڈیجا نے کہا کہ میں تیار ہوں گا، وہ بھی افغانستان جیسی ہی تھی، جہاں آپ اپنے ٹیم ساتھی کے سامنے کچھ بھی کہہ سکتے ہیں۔

واضح رہے کہ آئی سی سی ورلڈکپ 2023 کے فائنل میں ہوم گراؤنڈ پر آسٹریلیا نے بھارت کو 1 لاکھ 30 سے زائد تماشائیوں کے سامنے 6 وکٹوں سے شکست دیکر ٹائٹل جیتنے سے محروم کردیا تھا۔

مزید :

کھیل -