افغانستان سے 23 دہشتگرد تنظیمیں پاکستان سمیت 53 ممالک میں دہشتگردی پھیلاتی ہیں: سیکیورٹی ذرائع کا چشم کشا انکشاف

افغانستان سے 23 دہشتگرد تنظیمیں پاکستان سمیت 53 ممالک میں دہشتگردی پھیلاتی ...
افغانستان سے 23 دہشتگرد تنظیمیں پاکستان سمیت 53 ممالک میں دہشتگردی پھیلاتی ہیں: سیکیورٹی ذرائع کا چشم کشا انکشاف

  IOS Dailypakistan app Android Dailypakistan app

اسلام آباد (مانیٹرنگ ڈیسک) افغانستان سے 23 دہشتگرد تنظیمیں پاکستان سمیت 53 ممالک میں دہشتگردی پھیلاتی ہیں۔ سیکیورٹی ذرائع نے چشم کشا انکشاف کر دیا ۔ "جیو نیوز " کے مطابق سیکیورٹی ذرائع کا کہنا ہےکہ افغانستان سے 23 دہشتگرد تنظیمیں پاکستان سمیت 53 ممالک میں دہشتگردی پھیلاتی ہیں۔ افغانستان سے دہشتگردی کا نشانہ بننے والوں میں پاکستان سر فہرست ہے، 23 میں سے 17 دہشتگرد تنظیمیں صرف پاکستان کو نشانہ بناتی ہیں جبکہ یہ تنظیمیں امریکا اور چین سمیت 53 ممالک میں بھی دہشتگردی کرتی ہیں۔

سکیورٹی ذرائع نے بتایا ہے کہ افغانستان سے پاکستان میں دہشتگردی پھیلانے والی تنظیموں میں کالعدم ٹی ٹی پی،جماعت الاحرار اور بلوچ دہشتگرد تنظیمیں سر فہرست ہیں۔افغانستان سے ہی جنداللہ ایران میں، داعش یورپ اور امریکا میں جب کہ حزب التحریر اور جماعت الاحرار پاکستان میں دہشتگردی پھیلاتی ہیں۔ تحریکِ اسلامی ترکمانستان، چین، آئی ایم یو ازبکستان کو نشانہ بناتی ہے، داعش یورپ، امریکا اور حزب التحریر دہشتگردی پھیلاتی ہے جب کہ افغانستان سےجنداللہ ایران میں اور افغانستان سے جماعت الاحرارپاکستان میں دہشتگردی پھیلاتی ہے۔

سکیورٹی ذرائع کا بتانا ہے کہ پاکستان میں گزشتہ سال دہشتگردی کی بڑھتی لہر میں کالعدم ٹی ٹی پی اور افغان حمایت کا مرکزی کردار رہا، افغانستان خطے میں دہشتگرد تنظیموں کی باقاعدہ مالی معاونت کررہا ہے۔ آپریشن" ضرب عضب" اور "ردّالفساد" سے ٹی ٹی پی تقریباً ختم ہوگئی تھی لیکن افغان طالبان کے اقتدار میں آنے پرٹی ٹی پی دوبارہ متحرک ہوگئی ہے۔