پاکستانی کرکٹر محمد نواز نے شادی کر لی

پاکستانی کرکٹر محمد نواز نے شادی کر لی

لاہور(سپورٹس رپورٹر) پاکستانی کرکٹر محمد نواز نے شادی کر لی ہے، انہوں نے اپنے مداحوں سے اس موقع کی تصاویر شیئر کی ہیں۔پاکستان سپر لیگ (پی ایس ایل) سے ابھرنے والے نوجوان آل راؤنڈر محمد نواز رشتہ ازدواج میں منسلک ہو گئے ہیں۔ ذرائع کے مطابق محمد نواز کی اہلیہ کا تعلق جنوبی افریقا سے ہے اور دونوں کی شادی وہیں انجام پائی۔شادی کی تقریب میں محمد نواز نے کالا پینٹ کوٹ جبکہ ان کی اہلیہ نے سفید گاؤن زیب تن کیا۔ شادی کے موقع کی تصاویر سوشل میڈیا پر شیئر کرتے ہوئے محمد نواز نے لکھا کہ اللہ کی رحمت سے ہم دونوں شادی کے بندھن میں بندھ گئے ہیں۔ انہوں نے مداحوں سے کہا کہ وہ دونوں کو اپنی دعاؤں میں یاد رکھیں۔

مزید : کھیل اور کھلاڑی