ڈائریکٹر جنرل نیشنل لاجسٹک سیل کاا سٹیل مل کادورہ

ڈائریکٹر جنرل نیشنل لاجسٹک سیل کاا سٹیل مل کادورہ

  IOS Dailypakistan app Android Dailypakistan app


کراچی (اسٹاف رپورٹر)نیشنل لاجسٹک سیل(این ایل سی) کے ڈائریکٹر جنرل میجر جنرل محمد عاصم اقبال نے گزشتہ روز پاکستا ن سٹیل مل کا دورہ کیا۔تفصیلات کے مطابق ڈائریکٹر جنرل این ایل سی نے پورٹ قاسم پر واقع سٹیل مل کی جیٹی کا بھی معائنہ کیا اور جیٹی کے آپریشنز سے متعلق تفصیلات حاصل کیں۔ذرائع کا کہنا ہے کہ سٹریٹجک اہمیت کے حامل قومی اداروں کو لاجسٹک سہولتیں فراہم کرنے والے ادارے این ایل سی کی جانب سے ممکنہ طور پر سٹیل مل کی جیٹی کے استعمال کے حوالے سے بھی تبادلہ خیال کیا گیا،تاہم اس ضمن میں مزید تفصیلات معلوم نہ ہوسکیں۔واضح رہے کہ این ایل سی پاک فوج کے تحت کام کرتی ہے اور انتہائی مختصر مدت کے نوٹس پر لاجسٹک سہولیات فراہم کرنے کی بھرپور صلاحیت رکھتی ہے۔