’ویڈیوز لیک کرنے والوں کا سراغ لگ گیا، لیکن کارروائی ہوتی تو میری جان کو خطرہ تھا‘ شوبز چھوڑنے کے بعد پہلے انٹرویو میں رابی پیرزادہ کے تہلکہ خیز انکشافات

’ویڈیوز لیک کرنے والوں کا سراغ لگ گیا، لیکن کارروائی ہوتی تو میری جان کو ...
’ویڈیوز لیک کرنے والوں کا سراغ لگ گیا، لیکن کارروائی ہوتی تو میری جان کو خطرہ تھا‘ شوبز چھوڑنے کے بعد پہلے انٹرویو میں رابی پیرزادہ کے تہلکہ خیز انکشافات

  IOS Dailypakistan app Android Dailypakistan app

لاہور (ڈیلی پاکستان آن لائن) سابق گلوکارہ رابی پیرزادہ کا کہنا ہے کہ ان کی ویڈیوز لیک کرنے والوں کا سراغ لگالیا گیا تھا لیکن ان کے خلاف کارروائی کی وجہ سے میری جان کو خطرہ ہوسکتا تھا اس لیے انہوں نے یہ معاملہ اللہ کے سپرد کردیا۔
وائس آف امریکہ سے گفتگو کرتے ہوئے رابی پیرزادہ کا کہنا تھا کہ ان کیلئے شوبز مکمل طور پر ختم ہوچکا ہے، پچھلے کچھ مہینے کے دوران وہ کام کی بہت سی آفرز ٹھکرا چکی ہیں جس کی وجہ سے انہیں لوگ نفسیاتی سمجھنا شروع ہوگئے ہیں، اب اگر وہ میڈیا یا سوشل میڈیا پر آئیں گی تو صرف اللہ اور اس کے رسول کی خاطر آئیں گی۔
اداکارہ کا کہنا تھا کہ وہ شوبز میں رہتے ہوئے بھی بہت سے گناہوں سے بچی ہوئی تھیں لیکن پھر بھی بے پردہ گانے گا کر یا لوگوں کے سامنے رقص کرکے گناہ تو کر رہی تھیں، لیکن عمرہ کرنے کے بعد احساس ہوا کہ وہ زندگی ایک نشے کی طرح تھی جو اب اتر چکا ہے۔
اپنی ویڈیو ز کے حوالے سے رابی پیرزادہ کا کہنا تھا کہ ویڈیوز وائرل ہوتے ہی انہیں کام کی بہت زیادہ آفرز آنے لگیں ، جن لوگوں کے ساتھ کام کرنے کا وہ خواب دیکھتی تھیں ان لوگوں نے بھی کال کی لیکن انہوں نے اپنا فون ہی ختم کردیا، اب ان کے مینجر کے پاس فون ہے ، اس طرح کی ویڈیوز سامنے آنے کے بعد لوگ سپر سٹار بن جاتے ہیں لیکن انہوں نے مختلف راستہ اپنایا۔
رابی پیرزادہ نے بتایا کہ ایف آئی اے نے ان کی ویڈیوز لیک کرنے والوں کا سراغ لگالیا تھا لیکن پھر بتایا گیا کہ اگر ملزمان کے خلاف کارروائی کی گئی تو میری جان کو خطرہ ہوسکتا ہے اس لیے میں نے یہ معاملہ اللہ کی عدالت پر چھوڑ دیا۔

مزید :

Breaking News -تفریح -