حلیم عادل شیخ ذہنی توازن کھو چکے ،سندھ حکومت علاج میں تعاون کریگی، مرتضیٰ وہاب

حلیم عادل شیخ ذہنی توازن کھو چکے ،سندھ حکومت علاج میں تعاون کریگی، مرتضیٰ ...
حلیم عادل شیخ ذہنی توازن کھو چکے ،سندھ حکومت علاج میں تعاون کریگی، مرتضیٰ وہاب

  

کراچی(ڈیلی پاکستان آن لائن)سندھ حکومت کے ترجمان مرتضی وہاب نے کہاہے کہ حلیم عادل شیخ اس وقت ذہنی توازن کھو چکے ہیں ،سندھ حکومت حلیم عادل شیخ کا ذہنی علاج معالجہ کرانے میں بھرپور تعاون کرے گی،حلیم عادل شیخ کی مثال اس وقت کھسیانی بلی کھمبا نوچے کے مترادف ہے۔

ترجمان سندھ حکومت نے کہاکہ کسی کو میراثی کہنے والوں کو اصل لفظ " میراث" کے معنی بھی معلوم ہونے چاہیں،انہوں نے کہاکہ حلیم عادل شیخ غیر قانونی زمین پر قبضہ میں براہِ راست ملوث ہیں ،حلیم عادل شیخ کی زبان ان کی جماعت " تحریک انتشار" کا آئینہ ہے ، مرتضیٰ وہاب نے کہاکہ حلیم عادل شیخ کی باتیں صرف الزامات کا پٹارہ رہ چکی ہیں،حلیم عادل شیخ میرٹ پر تو جونیئر کلرک کی ملازمت کے بھی اہل نہیں۔

مزید :

قومی -علاقائی -سندھ -کراچی -