پشاور ہائیکورٹ ؛بروقت انتخابات سے متعلق پی ٹی آئی کی پٹیشن پر گورنر کا خط طلب
پشاور(ڈیلی پاکستان آن لائن)پشاور ہائیکورٹ نے بروقت انتخابات سے متعلق پی ٹی آئی کی پٹیشن پر گورنر کی جانب سے لکھا گیا خط طلب کرلیا،سماعت میں وقفہ کردیاگیا۔
نجی ٹی وی چینل ہم نیوز کے مطابق پشاور ہائیکورٹ میں بروقت انتخابات سے متعلق پی ٹی آئی کی پٹیشن پر سماعت ہوئی،پی ٹی آئی رہنما شوکت یوسفزئی اور شاہ فرمان عدالت میں پیش ہوئے ، وکیل درخواست گزار نے کہاکہ خیبرپختونخوا18 جنوری کو تحلیل کردی گئی ، الیکشن کمیشن نے انتخابات کیلئے گورنر کو خط لکھا، جسٹس عتیق شاہ نے استفسار کیا کہ آئین میں انتخابات کے حوالے سے گورنر کا کیا مینڈیٹ ہے؟گورنر کی جانب سے خط کا جواب کہاں ہے؟کیس کے ساتھ نہیں لگا، وکیل نے جواب دیتے ہوئے کہاکہ گورنر کی جانب سے خط کا جواب ہم نے بعد میں جمع کیا،عدالت نے سماعت میں وقفہ کرتے ہوئے کہاکہ گورنر کی جانب سے لکھا گیا خط منگوالیں،کیس کو پھر سنتے ہیں۔
