راکھی ساونت اور عادل خان کی راہیں جدا ہو گئیں،اداکارہ نے تصدیق کردی
ممبئی(ویب ڈیسک)بھارتی اداکارہ راکھی ساونت کا کہنا ہے کہ" ان کے شوہر عادل خان درانی اور انہوں نے راہیں جدُا کر لی ہیں"۔
بھارتی میڈیا کے مطابق حال ہی میں شادی کے بندھن میں بندھنے والی اداکارہ راکھی ساونت نے انکشاف کیا ہے کہ" انہوں نے اپنے شوہر عادل خان سے علیٰحدگی اختیارکر لی ہے اور اب وہ عادل خان کے ساتھ نہیں ہیں"۔
View this post on Instagram
راکھی نے میڈیا سے بات کرتے ہوئے بتایا کہ" ان کے شوہر کسی اور لڑکی کے ساتھ تعلقات میں ہیں اور اس ہی لئے وہ راکھی سے الگ ہوگئے ہیں"۔انہوں نے چیلنج کرتے ہوئے اس لڑکی کا نام لیتے ہوئے کہا کہ "تم نے مجھے گالیاں دیں جو میرے پاس ریکارڈ ہیں،عادل نے تمہارا ساتھ دیا، اگر عادل اپنی بیوی کا نہیں ہوا تو کسی کا نہیں ہو گا"۔اداکارہ نے مزید کہا کہ میرے سارے پیسے اس نے لے لیے،مجھے ٹارچر کیا گیا،جسمانی،دماغی لیکن اب میری ٹینشن ختم اور آپ لوگوں کی شروع ہو گئی ہے۔
View this post on Instagram
یاد رہے کہ راکھی نے گزشتہ ماہ میڈیا پر اعلان کیا تھا کہ انہوں نے عادل خان درانی سے 7 ماہ پہلے شادی کر لی تھی تاہم اس کے کچھ دنوں بعد سے ہی ان دونوں کی علیٰحدگی کی افواہیں بھی پھیل گئی ہیں جن کی راکھی نے تصدیق کر دی ہے۔
