نگران وزیراعلیٰ پنجاب کا بڑا فیصلہ ، پرویز الٰہی دورحکومت کے ٹھیکوں کی تحقیقات شروع
لاہور(ڈیلی پاکستان آن لائن)نگران وزیراعلیٰ پنجاب محسن رضا نقوی نے سابق وزیراعلیٰ پرویز الٰہی کے دورحکومت میں دیئے گئے ٹھیکوں کی تحقیقات شروع کردی۔
نجی ٹی وی چینل دنیا نیوز کے مطابق وزیراعلیٰ پنجاب نے سابق دور میں خزانے کے غلط استعمال سے متعلق درخواستوں پر بڑا فیصلہ کرتے ہوئے پرویز الٰہی کے دور میں دیئے گئے تمام ٹھیکوں کی تحقیقات شروع کردی ہیں ،وزیراعلیٰ ٹھیکوں کی تحقیقات سے متعلق 5 رکنی کمیٹی بھی قائم کر دی ہے،صوبائی محکموں کو ریکارڈ ایوان وزیراعلیٰ کو جمع کرانے کی ہدایات کر دی گئی،وزیراعلیٰ پنجاب نے گجرات میں ترقیاتی منصوبوں کیلئے دیئے گئے ٹھیکوں کا بھی ریکارڈ طلب کرلیا۔
