عمران خان نااہلی کیس، اسلام آباد ہائیکورٹ کا لارجر بنچ تشکیل دیدیا گیا
اسلام آباد(ڈیلی پاکستان آن لائن) تحریک انصاف کے چیئرمین عمران خان نااہلی کیس میں بڑی پیش رفت ہوگئی، اسلام آباد ہائیکورٹ نے لارجر بینچ تشکیل دے دیا۔
نجی ٹی وی چینل ایکسپریس نیوز کے مطابق چیف جسٹس عامر فاروق کی سربراہی میں تین رکنی بینچ تشکیل دےدیا گیا، جسٹس محسن اختر کیانی اور جسٹس ارباب محمد طاہر بینچ کا حصہ ہیں،اسلام آباد ہائیکورٹ نے کاز لسٹ جاری کردی، بنچ 9 فروری کو کیس کی سماعت کرے گا۔
شہری محمد ساجد نے عمران خان کو نااہل کرنے کی استدعا کررکھی ہے، چیئرمین پی ٹی آئی پر مبینہ بیٹی کو کاغذات نامزدگی میں ظاہر نہ کرنے کا الزام ہے۔
